Mariçiq: Vetëm me konsensus kombëtar do të jemi gati për anëtarësim të plotë në BE deri në vitin 2030

Zv. kryeministri për Çështje Evropiane, Bojan Mariçiq, sot mori pjesë në seancën e përbashkët të Komisionit për Çështje Evropiane dhe Këshillit Kombëtar për Integrime Evropiane, ku u diskutua për Raportin e Komisionit Evropian për Maqedoninë e Veriut për vitin 2022.

Zv. kryeministri për Çështje Evropiane dhe kryenegociatori me BE-në, Mariçiq, shprehu kënaqësinë e tij për mbajtjen e seancës dhe tha se Qeveria i qëndron me vendosmëri qëndrimit se procesi i negociatave për anëtarësim të plotë në Bashkimin Evropian duhet të jetë gjithëpërfshirës dhe transparente, me përfshirjen e të gjithë aktorëve socialë në këtë proces.

“Besoj se ky është vendi i duhur, ku duhet të diskutojmë Raportin dhe nga duhet të vijnë mesazhet se si të veprohet, sidomos tani kur jemi një vend negociues për anëtarësim të plotë në Bashkimin Evropian. Prandaj, si negociator kryesor, do të inicioj krijimin e kornizës për bashkëpunim me Parlamentin dhe do ta forcoj rolin e tij në proces”, tha Mariçiq.

Ai shtoi se pret përkushtim të plotë nga deputetët dhe dorë ndihme për tejkalimin e përbashkët të sfidave që pasojnë në rrugën e integrimit evropian dhe gatishmëri për të dhënë maksimumin për realizimin përfundimtar të synimit tonë strategjik tre-dekadash./Telegrafi/