Mariçiq: Ndihma e huaj është një pjesë e rëndësishme e përgatitjeve për anëtarësimin në BE

Ndihma e jashtme është pjesë e rëndësishme e përgatitjeve për anëtarësim në BE, tha zv. kryeministri për Çështje Evropiane, Bojan Mariçiq, i cili në konferencën e sotme koordinuese të donatorëve të organizuar nga Sekretariati për Çështje Evropiane prezantoi prioritetet në zbatimin dhe racionalizimin e ndihmës së donatorëve për vendin, me qëllim zbatimin e prioriteteve të reformës në mbështetje të integrimit evropian.

“Për të përmbushur prioritetet zhvillimore të vendit, këto takime janë thelbësore për një koordinim efektiv të politikave zhvillimore”, tha Mariçiq në fjalimin e tij.

Ai theksoi se mbështetja e vazhdueshme e donatorëve ofron ndihmë gjithëpërfshirëse financiare për Republikën e Maqedonisë së Veriut, e cila monitoron nevojat për stabilizimin dhe anëtarësimin në Bashkimin Evropian, duke ndihmuar në përmirësimin e cilësisë dhe disponueshmërisë së ndihmës për të rritur efektivitetin e bashkëpunimit për zhvillim.

Mariçiq theksoi se koordinimi dhe harmonizimi i ndihmës së huaj është pjesë integrale e përgatitjeve tona për anëtarësim në Bashkimin Evropian, duke shtuar se pavarësisht shkallës së zhvillimit, menaxhimit dhe koordinimit të ndihmës zhvillimore ne kemi të arritura, ka ende sfida që mund të kapërcehen dhe racionalizohen, dhe të cilat kërkojnë vëmendje urgjente, përkatësisht përmirësimi i mëtejshëm i funksionimit të grupeve të punës sektoriale, përmirësimi i komunikimit me donatorët dhe racionalizimi dhe përafrimi me planifikimin strategjik të donatorëve./Telegrafi/