Maqedoni, opozita përsëri akuzon pushtetin për rritjen e akcizës së naftës

Nuk kanë të ndalur reagimet e opozitës pas paralajmërimit të Ministrisë së Financave se do të rritet akciza e naftës dhe derivateve të naftës. Nga OBRM-PDUKM paralajmërojnë se rritja e akcizave do të ndikojë në konkurrencën e kompanive vendase në tregun ndërkombëtar dhe negativisht do të ndikojë në ekonominë e përgjithshme. Prej atje thonë se rritja e çmimit të naftës do të ndikojë drejtpërdrejtë në transportin publik, transportuesit me kamion, operacionet ndërtimore, afaristët të cilët përdorin naftë për ngrohje dhe për proceset prodhuese, ndërsa me këtë do të ndikohet edhe në çmimet përfundimtare të produkteve.

“Nuk ekziston asnjë arsyetim për rritjen e akcizës. Qeveria e OBRM-PDUKM-së nuk e bërë këtë gjë as gjatë kohës së krizës më të madhe ekonomike. Qeveria e Zaevit dhe LSDM-së në mënyrë të pa turpshme e ofendon kapacitetin intelektual të qytetarëve përmes këshilltarit në ministrinë e financave Branimir Jovanoviq, i cili qytetarëve më të varfër u propozoi të vozisin automobilat e tyre më pak, ose mos të ngrohen me naftë, akcizën e së cilës qeveria do të ngritë për 3 denarë. Çdo qytetar e din se rritja e akcizës së naftës do ta tërheqë spiralen e inflacionit në ekonomi, transport dhe përfundimisht do të reflektojë në çmimet e produkteve dhe shërbimeve”, u shpreh Svetlana Kolariq, OBRM-PDUKM./Telegrafi/