Manchester United nuk e ka mbajtur premtimin e bërë ndaj Erik ten Hag

Fillimi i jetës së Erik ten Hag si trajner i Manchester United nuk ka shkuar sipas planit, por nuk janë ngjarjet në fushë që e kanë bërë atë ‘të zemëruar’, por dështimi i klubit për të mbajtur një premtim.

Holandezi ka shijuar dy humbje në dy ndeshjet e tij fillestare si trajner i United, me turpin absolutisht të së dielës nga Brentfordi që erdhi pas humbjes së fundjavës së kaluar ndaj Brighton.

Gjithçka i është shtuar një fillimi të tmerrshëm të jetës në Angli për Ten Hag, i cili tani është një nga favoritët për t’u shkarkuar.

Lexo po ashtu Erik ten Hag i detyroi lojtarët e Unitedit të vraponin afro 14 kilometra pas humbjes nga Brentfordi

Trajneri, së bashku me tifozët, do të shpresojnë që ai të mund të sjellë disa lojtarë të tjerë përpara mbylljes së afatit kalimtar më 1 shtator, por ai raportohet se tashmë është i zemëruar për mungesën e nënshkrimeve.

Sipas Mirror, United i premtoi Ten Hag pesë nënshkrime kur ai vendosi të bashkohej me klubin, por ata kanë shtuar vetëm tre lojtarë në skuadër, duke i lënë të zemëruar stafin teknik.

Deri më tani këtë verë, vetëm Tyrell Malacia, Lisandro Martinez dhe Christian Eriksen i janë bashkuar skuadrës, me danezin që ka nënshkruar si i lirë pas skadimit të kontratës së tij me Brentford. /Telegrafi/