Mançevski: Transformimi digjital është rrugëtim i vazhdueshëm

E ardhmja është digjitale kurse Ballkani Perëndimor duhet të përparojë bashkë me Bashkimin Evropian kah digjitalizimi, thanë pjesëmarrësit e Kuvendit Digjital në Sofje ku Komisioni Evropian zyrtarisht filloi me agjendën digjitale në Ballkanin Perëndimor qëllimi i te cilës është të udhëzojë rajonin kah ekonomia digjitale.

Ministri për Shoqëri Informatike dhe Administratë, Damjan Mançevski shprehi kënaqësi që agjenda digjitale është agjendë e BE-së për rajonin e Ballkanit Perëndimor.

“Transformimi digjital është rrugëtim, dhe nuk është një gjë që e bën njëherë e përgjithmonë. Të gjithë duhet të punojmë në këtë fushë dhe ashtu si thoni ju, bashkërisht në mënyrë digjitale mundemi të jemi më të fortë”, deklaroi Mançevski.

Euro Komisionerja për ekonomi digjitale dhe shoqëri Maria Gabriel, në hapjen tha se digjitalizimi nuk njeh kufi, rajone dhe kontinente, dhe se digjitalizimi është sinonim për mundësi dhe se secili duhet përfshirë, përcjell Telegrafi Maqedoni.

“Qëllimi është që të sigurojmë qytetarët nga rajoni i Ballkanit Perëndimor të munden t’i gëzojnë të mirat e shpejtësisë digjitale dhe transformimit digjital. Angazhimi i agjendës digjitale për Ballkanin Perëndimor do të garantojë se qytetarët do t’i kenë njohuritë të përgjigjen në kërkesat e ekonomisë së re dhe do të ndihmojë në modernizimin e administratës publike, përforcimit të sigurisë kibernetike, dhe kushte më të mira për biznes deklaroi Gabriel.

Agjenda digjitale për Ballkanin Perëndimor parasheh 30 milionë euro përmes grandeve të BE-së për projekte për përfshirje më të madhe, përforcimit të sigurisë kibernetike dhe besimin e qytetarëve në teknologjinë digjitale, pëkrahje në zhvillimin e e-Qeverisë, e-Prokurorimeve, e-Shëndetësi dhe përforcimit të aftësimi digjital të qytetarëve./Telegrafi/