Man Utd aktivizon ‘planin e urgjencës’ pas lëndimit të rëndë të Lisandro Martinez

Manchester United ka aktivizuar një plan urgjent për të transferuar ish-yllin e Chelseat pas lëndimit të rëndë të Lisandro Martinez. 

United pësoi humbje me rezultat 2-0 ndaj Crystal Palace të shtunën, por përveç disfatës, lajm i keq ishte edhe lëndimi i Martinez, i cili u desh të largohej nga fusha me lot në sy dhe me barelë. 

Pas ndeshjes Ruben Amorim tha se në bazë të situatës duket se lëndimi i tij nuk është aspak i lehtë. 

Sipas raportimeve nga Spanja, Amorim po synon transferimin e Andreas Christensen i cili po vlerësohet si një opsion interesant për Man United. 

Lexo po ashtu Ish-lojtari i Man Utd e akuzon Ruben Amorim për mungesë respekti ndaj Rashfordit

Tutje, Amorim beson se profili i tij do të përshtatej në mënyrë perfekte në skemat e tij defanzive. 

Christensen mund ta konsiderojë seriozisht ndërrimin e ambientit dhe Amorim beson se ai mund të sjellë eksperiencë dhe stabilitet në një ekip që ka vuajtur shumë në fazën defanzive këtë sezon.

Barcelona në anën tjetër është e hapur ndaj shitjes së tij, me raportimet që pretendojnë se blaugranasit do të pranonin një ofertë prej 12.5 milionë eurosh. 

Christensen fillimisht e nisi karrierën tek akademia e Chelseat ku pastaj u bë pjesë e ekipit të parë të tyre, para se të transferohej tek Barcelona si lojtar i lirë në vitin 2022./Telegrafi/