Malouda: Chelsea mund të nënshkruajë Mbappen, gjithçka është e mundur

Ish-anësori i Chelseat, Florent Malouda është i bindur se ish-klubi i tij mund të nënshkruajë me sulmuesin e Paris Saint-Germain, Kylian Mbappe.

Malouda beson se Mbappe mund të përfundojë në Chelsea duke pasur parasysh politikën e tyre të shpenzimeve të mëdha në transferimin e lojtarëve.

“Unë do të doja të shihja Chelsean duke nënshkruar me Kylian Mbappe, mendoj se ne duhet të shkojmë për lojtarët më të mirë, si Mbappe. Sidomos kur shoh sa shpenzojmë për të tjerët”, ka thënë fillimisht Mbappe për DAZN.

Lexo po ashtu Mbappe refuzon të japë një përgjigje të qartë për të ardhmen te PSG

“Kjo varet nga vullneti i tij për të ardhur në klub, por ne duhet të shkojmë për lojtarë të mëdhenj si ai dhe të ndërtojmë një ekip rreth tij”.

“Do të ishte ëndrra ime, të ndërtoj një ekip me lojtarë të rinj rreth tij. Ai ka fituar shumë trofe dhe është i uritur për më shumë, kështu që ky është lloji i lojtarit që Chelsea duhet të kërkojë”.

“A do të tërhiqej Mbappe nga Chelsea? Gjithçka është e mundur! Për të tërhequr një lojtar si Mbappe, ka të bëjë me ndërtimin e një marrëdhënieje. Ka më shumë se thjesht përgatitjen e një oferte të madhe parash”.

“Lojtarët janë të ndjeshëm dhe dinë shumë për futbollin, kështu që klubet kanë për të zhvilluar marrëdhënie dhe nëse e bëni këtë, mendoj se mund të merrni lojtarë si Mbappe”, përfundoi ish-anësori i Bluve. /Telegrafi/