Deputetja nga radhët e LDK-së, Doruntinë Maloku, ka thënë se Me LDK-në, Kosovës i vjen era shtet.
Në një postim në llogarinë e saj në Facebook, ajo ka shkruar se Lidhja Demokratike e Kosovës po vjen dhe bashkë me të edhe Demokracia.
Sipas saj LDK do të rikthehet fuqishëm për ta përmbushur misionin e saj.
Postimi i plotë: "Me LDK-në, Kosovës i vjen era Shtet! Misioni themelor i Lidhjes Demokratike e Kosovës ka qenë Liria, Pavarësia dhe Demokracia. Dy të parat, Kosova i ka arritur për shkak tē vizionit dhe përkushtimit të presidentit historik Dr. Ibrahim Rugova dhe ekipit të tij, dhe me gjakun e heronjve të lirisë. E treta, Demokracia, nuk importohet as eksportohet. Ajo zhvillohet hap pas hapi. Dhe këtë mund ta bëjë vetëm Qeveria e LDK-së. Duke e çrrënjosur krimin dhe korrupsionin. Lidhja Demokratike e Kosovës po vjen! E bashkë me të edhe Demokracia. LDK do të rikthehet fuqishëm për ta përmbushur misionin e saj", ka shkruar Maloku./Telegrafi/
