Mahnitën botën e modës: Këpucët flamengo të Moschinos pothuajse janë shitur

Këpucët flamengo nga brendi i modës Moschino, pothuajse janë shitur pasi u shfaqën në treg.

Çmimi i një palë të këpucëve të tilla të pazakonta është 835 euro, ndërsa duke gjykuar nga dyqani zyrtar në internet, aktualisht janë të disponueshme vetëm në madhësitë 38 dhe 40.

Drejtori kreativ i kësaj marke, Jeremy Scott, për koleksionin pranverë/verë të këtij viti, është frymëzuar nga një aksesor i domosdoshëm për festat verore në pishina dhe plazhe.

View this post on Instagram

A post shared by Moschino (@moschino)

Ai e prezantoi këtë koleksion në shtator të vitit të kaluar në Javën e Modës në Milano, kur e nisi sfilatën me kombinime të zeza dhe të kuqe të zbukuruara me zemra. Më pas vijuan krijimet me motive lulesh dhe një sërë xhaketash neoni.

Lexo po ashtu Pushtojnë me dizajn dhe rehati: Këpucët elegante pranverore që tash e 66 vjet janë ende hit

Në fund vëmendjen më të madhe e tërhoqi koleksioni i frymëzuar nga festat verore, për pishinën dhe detin.

Morën vëmendjen në veçanti një palë këpucë rozë me flamengo në pjesën e sipërme të tyre, të cilat kënaqën botën e modës, ndaj nuk është për t’u habitur që ato janë pothuajse të shitura në treg. /Telegrafi/