Lukaku flet për herë të parë si lojtar i Manchester Unitedit

Romelu Lukaku tashmë është konfirmuar se është blerja më e re e Manchester Unitedit.

Ai transferua nga Evertoni për shumën rreth 90 milionë funte ndërsa së fundi ka folur si lojtar i “Djajve të Kuq”.

I pyetur për këtë transferim që ndodhi shumë shpejt, duke befasuar të gjithë, sulmuesi 24-vjeçar tha se nuk ka menduar dy herë, transmeton Telegrafi.

“Nuk u mendova dy herë, por thashë PO që në momentin e parë. Është klubi më i madh në botë. Një ekip i uritur për të fituar sërish Ligën e Kampionëve, të dominojë sërish në botë dhe fati deshi që ne të takoheshim këtë herë. Edhe unë kam ëndërruar të luaj për këtë ekip”

“Kur më telefonuan nuk u mendova dy herë. Jam i lumtur që do të jem pjesë e historisë së Manchester United”.

“Kush mund t’i thotë JO klubit më të madh në botë, stadiumit më të mirë në Angli, fansave më të mirë. Është një shans i artë për mua. Gjithnjë kam thënë se dua të luaj për një ekip që synon të fitojë çdo trofe. Unë mendoj se United do të dominojë sezonin tjetër”, tha Lukaku

Kujtojmë se reprezentuesi belg ka qenë nën urdhrat e Jose Mourinhos edhe sa ishte pjesë e Chelseat. /Telegrafi/