Luftë e çmendur për ‘Këpucën e Artë’ (Foto)

Gara për Këpucën e Artë në Evropë është më emocionuese dhe më e ngushtë kurrë.

Rivaliteti mes Cristiano Ronaldos, Luis Suarezit, Gonzalo Higuainit, Jonasit të Benficas, por edhe Lionel Messit në kampionatet më të forta evropiane, për bëhet i frikshëm.

Falë katër golave të realizuar ndaj Celta Vigos, Ronaldo kryeson jo vetëm listën e golashënuesve në La Liga, por edhe garën e sulmuese që pretendojnë ‘Këpucën e Artë’ në Evropë me 27 gola.

Gjithsesi avantazhi i portugezit është minimal, sepse sulmuesi i Barcelonës, Luis Suarez, ai i Napolit Gonzalo Higuain dhe sulmuesi i Benficës, Jonas kanë shënuar vetëm një gol me pak, ndaj me të drejtë e pretendojnë këtë çmim individual.

Në sezonin 2013-2014 ishte Suarez, i cili në atë kohë luante për Liverpoolin, e ka ndarë këtë çmim pikërisht me Ronaldon.

Uruguaiani kishte tri ndeshje pa shënuar para se të realizonte golin e 4-0 me Eibar.

Edhe Higuain dhe Jonas Goncalves po zhvillojnë sezonin më të mirë në karrierën e tyre, pasi po shënojnë me një ritëm të çmendur.

Argjentinasi ka kryesuar gjatë gjithë kohës listën e golashënuesve në Evropë, por në javët e fundit Ronaldo dhe Suarez e kanë rikuperuar shumë shpejt diferencën.

Në vendin e 5-të dhe të 6-të renditen dy yjet e Bundesligës, Robert Lewandowski dhe Pierre-Emerick Aubameyang, që kanë shënuar respektivisht 23 dhe 22 gola, ndërsa menjëherë pas tyre vjen Messi me 21 gola.

Në fakt pesë herë fituesi i Topit të Artë konsiderohet një rival i fortë për Ronaldon, edhe pse diferenca mes tyre është pesë gola. Argjentinasi ka shënuar rregullisht në ndeshjet e fundit, madje edhe dygolësha dhe nëse e ruan këtë ritëm mund të rikuperojë ndaj katër kryesuesve të listës.