Luajnë në Ligën e Kampionëve këtë sezon, befasia e Ligës Premier vihet pas yllit të Barcelonës

Barcelona ka nevojë për një shitje të madhe këtë verë, veçanërisht nëse do të ofrojë Nico Williamsin nga Athletic Bilbao. Nga të gjithë kandidatët, shitja më reale nga perspektiva e klubit është Raphinha – kjo pavarësisht paraqitjeve të tij shumë të mira për katalanasit gjatë sezonit 2023-24.

Raphinha grumbulloi 10 gola dhe 13 asistime nga vetëm 1950 minuta në të gjitha garat, dhe ai ishte padyshim një nga lojtarët më vendimtarë të Barcelonës.

Sidoqoftë, ardhja e Williams do të nënkuptonte se ai nuk është titullar sezonin e ardhshëm dhe me vlerën e tij ende të lartë, tani do të ishte koha për të fituar para.

Një lëvizje në Arabinë Saudite nuk është opsion, pasi ai nuk ka ndërmend të shkojë në Lindjen e Mesme. Mundësia e vetme reale e Barcelonës për një shitje do të ishte nëse Raphinha do të rikthehej në Ligën Premier dhe një mundësi mund të hapet.

Sipas Sport, shitja e afërt e Moussa Diaby në Al-Ittihad mund të jetë një hap i madh për Barcelonën në përpjekjet e saj për të shitur Raphinhan. Diaby pritet të largohet nga Aston Villa për 65-70 milionë euro dhe çmimi i kërkuar për Raphinhan do të jetë në këtë nivel.

Vlen të përmendet se Raphinha dëshiron të vazhdojë në Barcelonë, dhe nëse do të qëndronte, ai do të jepte thellësi të jashtëzakonshme në të dy krahët.

Lexo po ashtu Barcelona ka vendosur ta shesë përfundimisht Raphinhan - ia cakton çmimin

Do të ishte një befasi e madhe nëse Aston Villa të shpenzonte diku afër 70 milionë euro për brazilianin, kështu që katalanasit mund të kenë nevojë të ulin çmimin e tyre për ta shitur. /Telegrafi/