Prezantuesja e njohur, Lotina Haziri, vajza e politikanit të respektuar Lutfi Haziri, ka tërhequr vëmendjen me publikimin e disa fotografive të reja në rrjetet sociale, nga dasma madhështore e motrës së saj, Kënga Haziri.
Lotina, e cila njihet për stilin e saj elegant, u shfaq së bashku me partnerin e saj, reperin e njohur shqiptar Gramoz Aliu, i njohur si Mozzik.
Në fotografitë e publikuara, Lotina shfaqet duke rrezatuar bukuri dhe hijeshi në një fustan të gjatë të kuq, që tërhoqi vëmendjen për thjeshtësinë dhe elegancën e tij.
Ndërkohë, Mozzik kishte zgjedhur një kostum të zi klasik, që i jepte pamjes së tij një prekje të veçantë sofistikimi dhe elegance.
Dasma e Kënga Hazirit, motrës së Lotinës, u mbajt në një ceremoni të veçantë në Tiranë, ku ajo dhe partneri i saj Fabio Gjonaj kurorëzuan dashurinë e tyre me martesë.
Ceremonia ishte plot stil dhe atmosferë festive, duke bashkuar familjarë dhe miq të ngushtë në një ditë të paharrueshme.
Lotina, e cila është shumë aktive në rrjetet sociale, ndau disa nga momentet më të bukura të ceremonisë, ku përveçse u vlerësua për stilin e saj të veçantë, përfshiu edhe momente të ëmbla me partnerin e saj Mozzik, duke treguar përkrahjen e tij në këtë ngjarje familjare të rëndësishme. /Telegrafi/
