Lori Harvey shfaqet tejet joshëse për herë të parë që nga ndarja nga Damson Idris

Lori Harvey zbuloi bashkëpunimin e saj të ri me PrettyLittleThing të mërkurën, vetëm disa orë pasi njoftoi ndarjen e saj nga Damson Idris.

Modelja, 26 vjeçe, dukej “e pabesueshme” në një seri ansamblesh mahnitëse nga linja, me pamje “të egra”.

Në një foto të mrekullueshme, Lori shfaqi barkun e saj të tonifikuar me një bluzë të zezë vezulluese dhe minifund, shkruan DailyMail.

Lori “i ngriti temperaturat” teksa u shfaq pa sytjena me një kostum dantelle gjysmë të tejdukshme e pastaj në një tjetër imazh nga fotosesioni i PLT-së, Lori shihet duke pozuar në piano, e veshur me një fustan të shkurtë me dizajn gjarpri.

Duke folur për koleksionin, Lori tha: “Jam shumë e emocionuar që do të lançoj koleksionin tim të veshjeve të festës. Ne kemi punuar për këtë që nga shpallja e ambasadorit tim dhe këto pjesë janë të gjitha artikujt që do t’i vishja për festat e fundvitit.

“Më pëlqeu ta xhiroj këtë në një vend kaq të mrekullueshëm dhe mezi pres të shoh ndjekësit e mi dhe klientët e PLT-së duke shfaqur pamjen e tyre.”

Kjo vjen pasi Lori njoftoi se ajo dhe i dashuri i saj prej gati një viti, Damson, janë ndarë zyrtarisht.

Modelja dhe aktori i “Snowfall”, 32 vjeç, konfirmuan në lajmin në një deklaratë të përbashkët të ndarë me “The Hollywood Reporter” të martën. /Telegrafi/