Reperja e njohur shqiptare, Loredana Zefi, ka publikuar së fundmi projektin e saj më të ri muzikor me titullin “Love & Drama”, i cili po komentohet gjerësisht jo vetëm për përmbajtjen artistike, por edhe për elementët vizualë që kanë ngjallur kureshtje tek ndjekësit.
Në videoklipin e këngës, artistja shfaqet përkrah partnerit të saj, futbollistit të njohur Karim Adeyemi.
Dyshja duket më të afërt se kurrë më parë, duke e shndërruar projektin muzikor në një rrëfim intim, ku dashuria dhe momentet personale ndërthuren me estetikën e klipit.
Megjithatë, ajo që ka tërhequr më shumë vëmendje është pamja fizike e Loredanës.
Në disa skena të klipit, reperja shihet me rroba të gjera dhe një bark të rrumbullakosur, duke ngritur dyshimet e fansave se ajo mund të jetë në pritje të ëmbël.
Komentet në rrjete sociale kanë shpërthyer, me shumë ndjekës që e kanë pyetur nëse është shtatzënë dhe nëse “Love & Drama” është një mënyrë simbolike për të paralajmëruar një kapitull të ri në jetën e saj personale.
Pavarësisht spekulimeve, deri më tani nuk ka asnjë konfirmim zyrtar nga ana e Loredanës apo partnerit të saj lidhur me një shtatzëni të mundshme.
Reperja njihet për ruajtjen e privatësisë së saj në disa aspekte të jetës personale, dhe shpesh ka zgjedhur t’i ndajë lajmet e mëdha vetëm kur ajo vetë i konsideron të përshtatshme për publikun.
Për momentin, mbetet të shihet nëse zërat për një shtatzëni do të marrin një përgjigje të drejtpërdrejtë apo nëse vetë këngëtarja do të vazhdojë t’i mbajë këto dyshime në kufijtë mes dashurisë dhe dramës – ashtu siç e thotë edhe vetë titulli i këngës. /Telegrafi/
