Liverpooli e mbyll vitin me barazim ndaj Newcastle, por lider në Ligën Premier

Liverpooli nuk ka arritur më shumë se një barazim 0-0 në udhëtim te Newcastle United në ndeshjen e vlefshme për javën e 16-të në Ligën Premier.

Ekipi i Jurgen Klopp nuk ka mbyllur vitin me fitore, pasi është ndalur nga Newcastle, por do të jetë lider të paktën në fillimin e vitit 2021.

Pjesa e parë e ndeshjes u karakterizua me lojë më të mirë të Reds, të cilët ishin më krijues në kërkim të golit.

Megjithatë, edhe përkundër rasteve nga Mohamed Salah (42’, 43’) dhe Roberto Firmino (45+) portat mbeten të paprekura.

Goalless at the break at St James' Park.#NEWLIV

— Liverpool FC (@LFC) December 30, 2020

Në pjesën e dytë përsëri Liverpooli ishte më i mirë dhe më kërkues, pasi donte të mbyllte vitin me një fitore.

Por, edhe në këtë pjesë vendimtar ishte portieri i vendasve, Karl Darlow, i cili priti disa goditje nga Salah, Firmino dhe Salah, duke bërë që ndeshja të mbyllet 0-0.

It ends level at St James' Park.

— Liverpool FC (@LFC) December 30, 2020

Pas këtij barazimi, Liverpooli mbetet në vendin e parë me 33  pikë, ndërsa Newcaslte në pozitën e 14-të me 19 pikë.

Në ndeshjen e ardhshme apo të parën për vitin 2021, Reds e luajnë në udhëtim te Southamptoni, ndërsa Newcastle e pret Leicester Cityn. /Telegrafi/