Liverpooli ka fituar në shtëpi me rezultat 4-1 ndaj Cardiff Cityt në ndeshjen e vlefshme për javën e 10-të të Ligës Premier.
Pjesa e parë e ndeshjes i takoi në tërësi vendasve, të cilët dominuan gjithë ndeshjen me posedim dhe raste.
Megjithatë, arritën ta shënojnë vetëm një gol në minutën e 10-të me anë të Mohamed Salah, i cili shënoi nga afërsia për 1-0.
Salah hapi serinë e golave (Foto: Jan Kruger/Getty Images/Guliver)
Në pjesën e dytë, përsëri ishin Reds që dominuan dhe arritën të shënojnë edhe tri gola tjerë, përkundër një të mysafirëve.
Luhej minuta e 66-të e ndeshjes kur në skenë doli Sadio Mane, i cili shënoi një gol të bukur për epërsinë 2-0.
Festa tek goli i Mane (Foto: Jan Kruger/Getty Images/Guliver)
Mysafirët e Cardiffit arritën ta ngushtojnë epërsinë minutën e 77-të me anë të Callum Paterson që shënoi për 2-1.
Në minutën e 84-të ishte ylli me prejardhje shqiptare, Xherdan Shaqiri, i cili shënoi një gol të bukur për 3-1, pasi më parë shmangu dy mbrojtës pas asistimit të Salah, ndërsa Mane (87') vulosi fitoren me rezultat 4-1.
Pas kësaj fitore, Liverpooli ka 26 pikë në vendin e parë, ndërsa Cardiff City renditet në pozitën e 17-të me vetëm pesë pikë.
Në ndeshjen e radhës Reds udhëtojnë në Emirates për tu përballur me Arsenalit, ndërsa Cardiffi e pret Leicester Cityn. /Telegrafi/
