LAJMI I FUNDIT:

Lironte të dënuar në këmbim të pagesës, dënohet me 3 vite burg ish gjyqtarja e Krujës

Lironte të dënuar në këmbim të pagesës, dënohet me 3 vite burg ish gjyqtarja e Krujës

Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ka dënuar sot ish gjyqtaren e Krujës, Enkeleda Hoxha me 3 vite burg, nga të cilat ajo do të kryej 2 vite për shkak të gjykimit të shkurtuar.

Një vit pas arrestimit të saj, ish gjyqtarja e Krujës u arrestua në sallën e gjyqit, pasi nga përgjimet doli se lironte të dënuar nga qelia kundrejt pagesës. Ajo u shpall fajtore nga Gjykata e Posaçme për korrupsion dhe shpërdorim detyre.

GJKKO ka dënuar gjithashtu avokatin Aldo Tabaku me 4 vite burg, i cili luante rolin e sekserit për të ndikuar te gjyqtarja për të lehtësuar dhe liruar nga burgu të fortët. Për shkak të gjykimit të shkurtuar ai do të kryejë 2 vite e 8 muaj burg.


Mes të dënuarve janë edhe sekretarja e Gjykatës së Krujës, Emanuela Mallkuçi, e dënuar me 3 vite burg, nga të cilat do të kryejë 2 vite burg.

Ndërsa Saimir Petani dhe Bledar Petani janë dënuar secili me 2 vite e 6 muaj burg nga të cilat do të kryejnë 1 vit e 8 muaj burg. Ata ishin të afërmit e të dënuarit që kishin futur avokatin mik tek gjyqtarja për ta liruar nga burgu.

Enkeleda Hoxha u shkarkua nga detyra e gjyqtares më 17 mars të vitit të kaluar dhe u la në burg nga Gjykata e Apelit.

Ajo u arrestua nga Prokuroria e Posaçme SPAK në shkurt të vitit 2021 pas një operacioni të bërë në Gjykatën e Krujës, në seancë gjyqësore teksa po lironte një tjetër të dënuar. /Telegrafi/

Në trend Lajme

Më shumë
Pacolli për Hotel Grand: 6.7 milionë eurot janë të miat, jo të shtetit – u grabitën sepse refuzova të paguaj ryshfet

Pacolli për Hotel Grand: 6.7 milionë eurot janë të miat, jo të shtetit – u grabitën sepse refuzova të paguaj ryshfet

Lajme
Rama tregon pse u mbulua monumenti i Skënderbeut në Tiranë

Rama tregon pse u mbulua monumenti i Skënderbeut në Tiranë

Lajme
Puna “në të zezë” në Dortmund, doganierët gjermanë kapin dy punëtorë të paligjshëm nga Kosova

Puna “në të zezë” në Dortmund, doganierët gjermanë kapin dy punëtorë të paligjshëm nga Kosova

Lajme
Gastroenterologu në Gjilan i largon nga stomaku baterinë e telekomandës 2-vjeçarit

Gastroenterologu në Gjilan i largon nga stomaku baterinë e telekomandës 2-vjeçarit

Lajme
PZAP vendos për rinumërimin e 177 kutive të votimit

PZAP vendos për rinumërimin e 177 kutive të votimit

Lajme
Kosova asnjë, Serbia me pesë kontrata lobimi në SHBA

Kosova asnjë, Serbia me pesë kontrata lobimi në SHBA

Politikë
Kalo në kategori