Ligjet të cilat nuk i ka dekretuar Ivanov kthehen në Kuvend

Ligjet të cilat nuk i ka nënshkruar presidenti Gjorge Ivanov, do të duhet që të kthehen përsëri në procedurë kuvendore dhe do të duhet që të miratohen me së paku 61 deputetë, që pastaj Presidenti do të jetë i obliguar që t’i nënshkruajë dekretet që të hyjnë ato në fuqi.

Nga 1 prilli Kuvendi nuk do të punojë për shkak të mbajtjes së zgjedhjeve presidenciale, me çka ligjet do të duhet deri atëherë të dorëzohen në procedurë kuvendore.

Për momenti kryetari i Kuvendit, Talat Xhaferi gjendet për vizit zyrtare në Rumani dhe Lituani, dhe pas kthimit të tij do të shikohet nëse ligjet e kthyera do të vendosen në rend të ditës.

Zv. kryeministri për Çështje Evropiane, Bujar Osmani mos dekretimin e ligjeve nga ana e presidentit e vlerësoi si pjesë të politikës destruktive të Gjorge Ivanovit. Ai tha se vendi është demokraci parlamentare dhe se fjalën e fundit e ka Kuvendi në lidhje me ligjet.

Lexo po ashtu Ivanov ka kthyer disa ligje në të cilat ka qenë emri “Republika e Maqedonisë së Veriut”

Dje presidenti i shtetit Gjorge Ivanov, ka kthyer ligjet, gjegjësisht nuk i ka dekretuar ata ligje në të cilat ka qenë i shkruar emri i ri i shtetit Republika e Maqedonisë së Veriut./Telegrafi/