“Lëreni të luftojë me veten” – Guardiola flet për Grealishin

Manchester City më në fund lidhi dy fitore dhe pas një kohe të gjatë mori pak frymë, por një lojtar i kampionit të Anglisë nuk mund të jetë i kënaqur me statusin e tij në ato ndeshje.

Gjegjësisht, Jack Grealish fillimisht nuk luajti ndaj Evertonit për shkak të përgatitjes fizike, më pas ndeshjen me Leicesterin e ka ndjekur nga bankina, ndërsa në fitoren ndaj West Hamit ka luajtur vetëm shtatë minutat e fundit.

Mungesa e tij u shfrytëzua më së miri nga Savinho (20), i cili ishte ndër individët më të mirë në ato tre ndeshje dhe forcoi vendin e tij në krahun e majtë me një gol dhe tre asistime.

Nuk e fsheh as trajneri Pep Guardiola, i cili pas duelit me West Hamin i dërgoi një mesazh të qartë dhe të drejtpërdrejtë yllit për të cilin Citizens dikur paguan gati 120 milionë euro për Aston Villan.

“Ai duhet të luftojë me veten. Savinho është në formë më të mirë dhe kjo është arsyeja pse ai luan përpara Grealish. Unë e dua Jackin që fitoi tre trofe. Ai duhet të luftojë për pozicionin e tij. Çdo ditë, çdo javë, çdo muaj. Mos dyshoni në cilësitë e Grealishit për një lojtar tjetër, përndryshe ata nuk do të ishin këtu”, deklaroi strategu katalanas.

Lexo po ashtu Guardiola: Man City nuk ka shanse për të fituar Ligën Premier

Kujtojmë se anglezi ishte nën vëzhgim që në momentin kur mbërriti në Mançester për shkak të paraqitjeve të tij dhe figurës astronomike për të cilën u soll. /Telegrafi/