Leo Messi ka në garazhin e tij një model të rrallë të Ferrarit, ai shpenzoi 32.2 milionë euro

Superylli argjentinas, Lionel Messi, ka një Ferrari 335 S Spider Scaglietti, me vlerë 32 milionë euro, në mesin e shumë makinave.

Në botë ekzistojnë vetëm katër modele të kësaj veture dhe Messi është një nga pronarët me fat të veturës së përmendur.

Messi e bleu makinën në një ankand të fshehtë në vitin 2016 dhe shpenzoi 32.2 milionë euro.

Shuma e paguar është më shumë se sa legjendari Michael Jordan ka fituar ndonjëherë në një sezon nga basketbolli.

Jordan është ndoshta basketbollisti më i mirë i të gjitha kohërave, dhe ai fitoi më së shumti para nga basketbolli në sezonin 1997/1998 kur mori 31.9 milionë euro nga Chicago, që është më pak se sa shpenzoi Messi për Ferrarin e tij.

Meqë ra fjala, vetë Messi ka fituar më shumë se një miliard vetëm nga futbolli gjatë karrierës së tij.

Ai mund ta përballojë këtë Ferrari për shumën prej 32.2 milionë euro.

Messi po ashtu ka edhe disa vetura të tjera si: Ferrari F430 Spyder (164,490 dollarë), Pagani Zonda Tricolore (2 milionë dollarë), Mercedes SLS AMG  (642,490 dollarë), Maserati Gran Turismo MC Stradale (242,100 dollarë) dhe Range Rover duo (269,500 dollarë). /Telegrafi/