Lëndimet bëjnë që Messi ta ketë startin më të hidhur në karrierë

Të gjithë po pyesin se si do të luante Barcelona pa Lionel Messin, a do të Shkarkohej Ernesto Valverde qysh në këtë fillim sezon po të mos ishte argjentinasi?

Për herë të parë që nga viti 2009, pesë herë fituesi i Topit të Artë po i shikon ndeshjet e Blaugranasëve nga tribunat shkaku i lëndimit të pësuar në këmbë.

32-vjeçari asnjëherë nuk kishte munguar kaq shumë në një fillim sezon, derisa katalunasit humbën në ndeshjen e parë 1-0 ndaj Athletic Bilbaos, barazimi 2-2 ndaj Osasunas dhe humbja tjetër ndaj Granadas 2-0.

Barcelona do të përballet sonte me Interin në kuadër të Ligës së Kampionëve nga ra 21:00 në Camp Nou, gjersa Messi është në dyshime se mund të luajë.

Shqetësimet te klubin katalunas janë se argjentinasi ka mungesë të fitnesit dhe lëndimi i tij po përsëritet, derisa janë duke tentuar që ta zgjidhin problemin.

Lexo po ashtu Messi dhe Dembele marrin pjesë në stërvitje, mund të luajnë kundër Interit

Një situatë më ndryshe Messit i kishte ndodhur në vitin 2015, kur kishte mbetur jashtë fushës për një muaj.

Stafi mjekësor i Barcelonës po punon që argjentinasi të rikthehet sa më shpejtë në fushë, por rrezikojnë që lojtari të lëndohet përsëri, pikërisht nëse sonte luan ndaj Nerazzurëve. /Telegrafi/