“Le ta diskutojmë këtë në parkingun e stadiumit” – Roy Keane përplaset ashpër me një tifoz

Legjenda e Manchester United, Roy Keane u përfshi në një moment sherri me një tifoz të Ipswich Town pas barazimit 1-1 të dy skuadrave të dielën mbrëma në Ligën Premier.

Teksa Keane po bëhej gati të merrte pjesë në intervistën e parë të Ruben Amorimit pas ndeshjes me Sky Sports, një tifoz filloi ta ngacmonte nga tribuna.

🚨 EXC: Roy Keane gets into a heated confrontation with an Ipswich fan goading him at the end here.

More details on @MailSport shortly #mufc #itfc pic.twitter.com/3AGFZB7ems

— Nathan Salt (@NathSalt1) November 24, 2024

Thuhet se tifozi u dëgjua duke bërtitur abuzime ndaj Keane dhe duke thënë disa gjëra shumë fyese në një përpjekje për ta nervozuar atë.

Keane vendosi të përballej me tifozin duke shkuar deri te tribuna ku ai po qëndronte dhe po e provokonte.

Roy Keane wanted it in the car park 👊🏻🤣 #ipswich #ManU #IPSMU #SuperSunday pic.twitter.com/F3Ua5uX9Bw

— Aden Clarke (@adenLFC4life) November 24, 2024

Legjenda e Man United u pa të ishte në një grindje të ashpër me tifozin dhe madje i thoshte individit “Le ta diskutojmë në parkingun e veturave këtë ne të dy”, i tha Keane.

Në fund u desh intervenimi i njerëzve të tjerë për të qetësuar legjendën irlandeze, derisa tifozi i nxor jashtë stadiumit. /Telegrafi/