Lazio fiton me rikthim sensacional ndeshjen e zjarrtë dhe të tensionuar ndaj Interit

Lazio ka fituar me rikthim sensacional ndaj Interit me rezultat 3-1 në ndeshjen e vlefshme për javën e tetë në Serie A.

Interi nuk ka arritur të mbajë epërsinë e pjesës së parë dhe t’i marrë tri pikët e radhës, pasi ka lëshuar terren në pjesën e dytë dhe është mposhtur nga Lazio në ndeshjen e zhvilluar në Olimpico.

Pjesa e parë e ndeshjes ishte shumë e luftuar, thuajse e barabartë për nga rastet, por me Interin që bëri diferencën duke gjetur golin.

Goli i vetëm në këtë pjesë erdhi në minutën e 12-të me anë të Ivan Perisic, i cili shënoi nga pika e bardhë për 0-1.

⏸️ | HALF-TIME

The Nerazzurri head in 1-0 up at the interval 💪#LazioInter 0⃣-1⃣#FORZAINTER ⚫️🔵 pic.twitter.com/l8WfkiMOfX

— Inter ⭐⭐ (@Inter_en) October 16, 2021

Në pjesën e dytë, Lazio ishte më kërkuese, rrezikoi më shumë dhe arriti t’i shënojë dy gola për ta rikthyer rezultatin, ndërsa në fund edhe një tjetër të sigurisë.

Fillimisht ishte Ciro Immobile (64’), i cili shënoi nga penalltia për barazimin 1-1, ndërsa Felipe Anderson (81’) shënoi nga afërsia për 2-1.

Kur pritej që Interi të rikthej në lojë me golin e barazimit, në skenë doli Sergej Milinkovic (90+), i cili shënoi me kokë për rezultatin përfundimtar 3-1.

Në fund dhe pas përfundimit ndeshja u përshkua me shumë tensione dhe kacafytje të lojtarëve, ku nuk munguan as kartonët e verdhë dhe të kuq.

✅ | #LazioInter 3-1
È FINITAAAAA 🔥🔥🔥
La vinciamo in rimonta con le reti di Ciro Immobile, Felipe Anderson e #Milinkovic 👏🏻#CMonEagles 🦅 pic.twitter.com/pZzTXa2xha

— S.S.Lazio (@OfficialSSLazio) October 16, 2021

Pas kësaj fitore, Lazio ngjitet në pozitën e pestë me 14 pikë, ndërsa Interi renditet në vendin e tretë me 17 pikë.

Në ndeshjen e radhës, Nerazzurrët e presin Juventusin, ndërsa Lazio udhëton te Hellas Verona. /Telegrafi/

https://www.youtube.com/watch?v=rLwKv10erI8&ab_channel=FootballDiary

https://twitter.com/Calcio24Horas/status/1449426574445531141

https://twitter.com/Calcio24Horas/status/1449430905869717510

https://twitter.com/Calcio24Horas/status/1449433557944897537