Presidenti Joan Laporta ka folur në një konferencë për shtyp për vështirësitë e fundit të Barcelonës me regjistrimin e lojtarëve, duke këmbëngulur se situata nuk është asgjë e re.
Laporta ka shfrytëzuar konferencën për shtyp gjatë ditës së sotme (e martë) për të goditur të gjithë ata që tentuan ta pengojnë dhe sabotojnë klubin katalunas.
“Mirëmëngjesi të gjithëve, kolegë në bord, gazetarë… në dy javët e fundit ka pasur dy ngjarje që konfirmojnë disa gjëra dhe mohojnë të tjera. Ata konfirmojnë forcën e Barcelonës dhe mohojnë një histori false apokaliptike nga mjedise të caktuara që kanë bërë. Pra për shkak të injorancës ose keqbesimit ose të dyjave”, ka thënë fillimisht Laporta në konferencë.
“Më në fund jemi kthyer në rregullin 1:1, tani mund të nënshkruajmë lojtarë me proces normal. Tani mund të jemi në gjendje të regjistrojmë lojtarë si Dani Olmo dhe Pau Victor”.
🎙️ @JoanLaportaFCB: “We’ve returned to the 1:1 rule, which allows us to sign players normally and register Dani Olmo and Pau Víctor. This confirms the strength of FC Barcelona and disproves the apocalyptic narrative.” pic.twitter.com/8jXk5nO5Md
— FC Barcelona (@FCBarcelona) January 14, 2025
“Ne e shpëtuam Barcelonën. Situata financiare ishte shumë e vështirë. Ne e shpëtuam Barçën. Ne gjithashtu e mbrojtëm Barçën nga sulmet nga jashtë, sulmet shumë të qarta dhe të forta”.
“Nuk është rastësi që sa herë që Barcelona rikthehet në ballë të futbollit botëror, shumë palë, të mbështetura nga media të ndryshme, duket se përpiqen të imponojnë një narrativë të turpshme që nuk ka asnjë lidhje me realitetin”.
“Çfarë ndodhi me Dani Olmo? Dokumentacionet për Olmon dhe Viktor i kemi paraqitur më 27 dhjetor!. Në datat 28, 29 dhe 30, La Liga na kërkoi më shumë dokumentacion. Më datën 31, ne vërtetuam gjithçka. Nuk na kërkuan asgjë më shumë. Ne i paraqitëm RFEF-së zgjatjen e licencave të dy lojtarëve, ata na thanë se nuk do të kishte asnjë problem…”.
“Do të duhet më shumë se kaq për të destabilizuar një klub që është më shumë se 125 vjeç, i njohur në të gjithë botën. Shumica e shoqërive të klubit e kuptuan se ky ishte një sulm ndaj stemës. Dhe stema nuk mund të ndotet”.
“Kurrë nuk do të jepja dorëheqjen për një vendim të marrë nga La Liga dhe Federata. Kjo ishte e pamundur. Ne NUK dorëzohemi, por ata u përpoqën të destabilizojnë klubin, lojtarët dhe menaxherin. Ne reaguam, fituam Superkupën dhe e vlerësoj shumë këtë”.
“Kontrata e re me Nike është tri herë më me vlerë se ajo e mëparshme. Është kontrata më e madhe në boten e futbollit për partneritet me sponsor teknik”, përfundoi presidenti i Barçës. /Telegrafi/