LAJMI I FUNDIT:

Lahuta e malësorit

Ka më tepër se një dekadë tashmë që flitet e përflitet barbaria ndaj pyjeve në pjesën veriore dhe verilindore të vendit, kryesisht ndaj halorëve, lisit dhe të ahut. Është për të ardhur vërtet keq kur shikon sesi hapësira të tëra të gjelbra dimër e verë janë zhdukur, e ne mallëngjehemi kur shohim këto panorama të bukura nëpër kartolina. Pisha dhe bredha shekullorë, lisa ahu me degët e gjëra përbënin dikur faunën e bukur plot jetë, që i jepnin hijeshi maleve dhe vargmaleve madhështorë.

Duke lexuar shqetësimin në rritje në lidhje me pyjet e veriut që sa vjen e zhduken mu kujtua nositi i Lasgush Poradecit dhe habitem se sa lidhet me të tashmen kjo lirikë e të dashuruarit të madh liqenas. Dikush mund të pyesë se ç’lidhje ka kjo dhe unë përgjigjem duke e përngjasuar nositin me Shqipërinë e trimave që ia ngul kthetrat gjoksit të vet për të ushqyer bijtë e saj. Kujt? Pyjeve? Kujt? Ajrit të pastër që thithte malësori me lahutë në dorë.

E më tej më vjen ndërmend se sa e sa fshatarë kridhen maleve e me duar të shkathëta nxjerrin nga ferrat gjembaçe kërpudhat e vogla që shiten për picën e kryeqytetasit që kurrë se ka ditur se çfarë është pema e gjelbërimi.

E më tej hedh sytë nga kallot e burrit të malësisë, pasardhësit të birit të pushkës e të penës, që ia kanë veshur duart kallot nga gurët e rëndë që shkul nga gjiri i malit për t’i shitur. E më tej lartohet një ndërtesë shumëkatëshe e ky burrë kurrizdalë duhet të lodhet për tu drejtuar e ta shohë se si ajo ngrihet në kupë të qiellit.

Asnjëherë nuk duhet të harrojmë shenjtërinë e gurit për malësorin mbi të cilin dikur betohej e që tani duhet ta shesë për bukën e gojës. A duhet harruar mrizi me hijen dhe kroin e ftohtë ku bariu lidhte jetën me natyrën? Por tani malësorin e bijtë e tij, të gjendur përballë nevojave të reja, se nginj më uji i kroit, e hija e pyllit s’ia heq lodhjen.

E ndërkaq, unë kot hutohem e mallëngjehem, ka ardhur epoka e internetit. Sot flasim për universitete. Sot s’ka kallo, por ka karrierë. Sot s’ka burra, por biznesmenë. Po ky burrë i egër me çfarë do t’i çojë në shkollë bijtë e tij?

Dje kishim lahutë sot kemi diskotekë. Dje kishim bukë e kripë e nder në derë, sot kemi uiski. Dje rrëfeheshin baladat e kurbinit sot një Zot e di çfarë rrëfehet skutave të ‘çatit’ në internet. Ku janë thirrjet e malësorit që janë kthyer në kiamata në celular?

Sot ne pyesim ku shkuan pyjet. Sot ne duam të mbushim një faqe shkrim për një gazetë. Po ai? Ai do të mbushë barkun e fëmijës, ende si në poemat e mjerimit. Po fëmija ende thotë nënë dua bukë e nesër do thotë edhe unë doja shkollë.

Ja dhe një herë tjetër malësori i gjendur përpara malit që zbëzanë, ‘grushtin e paligjshëm’ ia njesh pyllit.

Në trend

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Kalo në kategori