Këngëtari i njohur, Labinot Tahiri, thotë se është thellësisht i prekur nga humbjet e fundit të të rinjve, që po vdesin nga leukemia.
Ai insiston që Kosova duhet të ketë patjetër një spital për trajtimin e leukemisë, në mënyrë që njerëzit nga Kosova të mos detyrohen të kërkojnë shërim jashtë vendit.
Labi madje u bëri një thirrje publike qeveritarëve pak javë më parë, duke u kërkuar që ta marrin seriozisht këtë çështje, veçanërisht pas rastit të fundit ku një vajzë e re nga Ferizaj, ndërroi jetë për shkak të leukemisë akute.
Tani këngëtari i njohur ka bërë një njoftim në rrjetet sociale, duke shprehur gatishmërinë e tij që të nis ndërtimin e spitalit, duke dhuruar një buxhet nga 5000 deri në 10 mijë euro, me dëshirën që të gjithë të ndjekin shembullin e tij dhe të arrijnë te shuma e kërkuar.
Ky është postimi i plotë i këngëtarit Labinot Tahiri në Facebook (pa ndërhyrje):"Mirëmengjesi! Këto ditë mendoj vetëm për familjet që humbën femijet dhe më të dashurit e tyre nga Leukemia! Ne mund të realizojmë ndertimin e nje spitali të ri! Lexoni në foto dhe kush do që mendon se e realizon, unë tërhiqëm, por mbeshtetjen financiare 5000-deri në 10.000 do ti dhuroj vetëm për të motivuar të gjithë përshkak se , u duhet femijeve dhe familjeve tona në të ardhmën një SPITAL I TILLĒ, e jo me i dergua parat jashte vendit. Spitali për LEUKEMI! Labi Kosovë e Shqipërisë!". /Telegrafi/
