Kylie Jenner konfirmon shtatzëninë e dytë, ndërsa ndan me fansat video nga vizita e parë te gjinekologu

Kylie Jenner konfirmoi se është në pritje të fëmijës së saj të dytë me të dashurin Travis Scott, 30 vjeç.

Miliarderja 24-vjeçare e kozmetikës bëri njoftimin e madh duke publikuar një video emocionale në Instagram, ku shfaqte shikimin e saj në barku ne saj në rritje, shkruan DailyMail.

Raportimet se Jenner ishte shtatzënë qarkulluan për herë të parë në gusht, por asnjë person nga familja Kardashian-Jenner nuk doli për të konfirmuar ose mohuar lajmin.

View this post on Instagram

A post shared by Kylie ? (@kyliejenner)

Postimi i së martës është një veprim befasi nga Kylie, pasi ajo nuk e konfirmoi shtatzëninë e saj të parë derisa lindi vajzën Stormi, tani tri vjeçe, në vitin 2018. Ajo gjithashtu nuk u pa publikisht gjatë kohëzgjatjes së shtatzënisë.

Travis dhe Kylie janë takuar që nga viti 2017, dhe mirëpritën në jetë vajzën e tyre të parë, Stormi në vitin 2018.

Kylie nuk e zbuloi gjininë e fëmijës së saj të dytë në videon e së martës.

Videoja e njoftimit të Jennerit nis me një shëtitje të saj rreth shtëpisë së saj në ‘Hidden Hills’ me një test shtatzënie pozitiv në dorë.

Travis pastaj shihet duke e mbështjellë me butësi krahët rreth Kyliet ndërsa ajo qëndron para një pasqyre me testin e saj të shtatzënisë ende në dorën e saj.

Videoja tjetër tregon Travisin, Kylien dhe Stormin duke shkuar drejt asaj që duket të jetë takimi i tyre i parë me ultratinguj.

“A jeni gati për të shkuar te mjeku i mamit?”, pyet Kylie, të cilës Stormi i përgjigjet: “Po!”.

Duke ua treguar fansave udhëtimin emocional, Jenner përfshiu pamjet aktuale nga takimi në videon e Instagramit.

Një teknik me ultratinguj mund të dëgjohet duke i thënë çiftit se ata janë vetëm ‘disa ditë larg’ nga të qenit në gjendje të dëgjojnë rrahjet e zemrës së fëmijës së tyre.

Videoja tjetër tregon Stormin që i paraqet gjyshes së saj Kris Jenner një zarf i cili, pa e ditur Kris, përmban imazhe të ultrazërit të nipit/mbesës së saj të ardhshëm/me.

E tronditur plotësisht, një Kris dukshëm emocionale i shfleton shpejt imazhet para se ta pyesë me gëzim Kylien: ‘A jeni shtatzënë ?!’.

“Kjo është një nga ditët më të lumtura të jetës sime!”, tha ajo.

Duke u dhënë fansave një vështrim më të afërt në barkun e saj në rritje, Kylie pozoi jashtë me kamerën e saj të celularit të mbështetur lart për të kapur veten nga qafa e poshtë.

Themeluesja e ‘Kylie Cosmetics’, e veshur me sytjena të bardha sportive dhe pantallona të shtrënguara e theksoi vijën e saj të trupit.

Duke festuar ditëlindjen e saj të 24 -të më 10 gusht, Jenner përfshiu pamje nga një festë intime e mbajtur në shtëpinë e saj.

Pamjet e festës shfaqën dekorin e përpunuar, si dhe momentet e ëmbla të ndara midis Kyliet, Travisit dhe vajzës së tyre trevjeçare.

Në një tjetër imazh, Kylie mund të shihet në një takim tjetër me ultrazërin, ku pyet të voglën Stormi nëse ajo “mund ta shohë” foshnjën në monitor.

“Ju mund ta shihni foshnjën”, thotë gjinekologu, ndërsa kalon një sondë në stomakun e Kyliet, teksa ylli i realitetit dhe fëmija i saj i madh shikojnë me habi.

Konfirmimi i Jennerit në Instagram vjen vetëm disa javë pasi burimet e brendshme zbuluan se ajo ishte përsëri shtatzënë. Përfaqësuesi i saj për media nuk pranoi të komentojë kur u kontaktua nga DailyMail në kohën e raportimit. /Telegrafi/