Ky zakon i përditshëm në kuzhinë është shkaku kryesor i zjarreve në shtëpi

Nëse ke qëndruar ndonjëherë para një tigani me vaj që merr flakë, e di shumë mirë që është një situatë që s’do ta dëshiroje kurrë. Dhe nëse mendon se zjarret në kuzhinë janë diçka e rrallë, e ke gabim

Pavarësisht nëse e konsideron veten një kuzhinier të kujdesshëm, ka diçka që shumica prej nesh bëjnë gabim, duke e shtuar rrezikun e një zjarri. Më poshtë, ekspertët shpjegojnë pse ndodhin më shpesh këto incidente, si t’i shmangësh dhe çfarë të bësh nëse përballesh me një situatë të tillë.

Në çfarë temperature fillon një zjarr nga vaji?

E para dhe më e rëndësishmja: Çdo vaj ka një pikë tymi dhe një pikë flake. Pika e tymit është temperatura kur vaji fillon të lëshojë tym, ndërsa pika e flakës është momenti kur merr zjarr. Në përgjithësi, kur vaji nis të tymoset, flakët mund të shfaqen shumë shpejt – pra, nëse sheh tym, është koha të ndalosh aty!

Për shembull, vaji i lulediellit, susamit, misrit dhe ullirit kanë një pikë prej rreth 210°C, ndërsa ai i kanolës arrin deri në 225°C. Dhe megjithëse shumica e recetave nuk kërkojnë temperatura kaq të larta, një tigan i harruar në zjarr mund të bëhet shumë shpejt burim katastrofe, shkruan HuffPost.

Shkaku kryesor i zjarreve nga gatimi

Sipas ekspertëve, problemi më i madh është shpërqendrimi. Shumica e zjarreve në kuzhinë ndodhin sepse njerëzit nuk i kushtojnë vëmendje të plotë ngrohjes së vajit. Nëse keni kaluar ndonjëherë një natë duke gatuar pas një daljeje, mund të dini që rreziku është më i madh pasi trupi dhe mendja janë të lodhura dhe jo të fokusuar.

Siç thotë eksperti Randy Feltis, shumë herë, njerëzit shpërqendrohen, përdorin telefonin apo bëjnë diçka tjetër dhe vajrat mund të arrijnë temperatura të rrezikshme vetëm pas disa minutash pa mbikëqyrje.

Një tjetër situatë që shpesh kalon pa vëmendje është mbushja e tepruar e tiganit me vaj. Kjo mund të bëjë që vaji të spërkasë dhe të godasë flakët ose elementët e hapur të ngrohjes. Kështu që është shumë e rëndësishme të përdorni një tigan që ka një kapacitet të dyfishtë nga sasia e vajit që përdorni dhe nëse është e nevojshme, të gatuani në grupe për të shmangur ngarkesën e tepërt.

Si ta matësh temperaturën e vajit

Një mënyrë shumë e thjeshtë për të shmangur një zjarr është të përdorni një termometër të kuzhinës për të monitoruar temperaturën e vajit. Çdo kuzhinier i vërtetë do të ta rekomandojë këtë pajisje, pasi mund të ndihmojë për të parandaluar nxehjen e tepërt të vajit dhe për të siguruar një gatim të sigurt. Disa termometra janë të specializuar për thellësinë e fërgimit dhe mund të masin temperatura deri në 200°C.

Nëse dëshironi të siguroheni që jeni duke punuar me temperaturat e duhura, këto pajisje mund të shpëtojnë më shumë se vetëm një recetë – mund të parandalojnë gjithashtu një zjarr të madh. /Telegrafi/