Kush është Theresa May, kryeministrja e re Britanisë? (Foto)

Theresa May është kryeministrja e ardhshme e Britanisë së Madhe, pasi rivali i saj nga Partia Konservative u tërhoq. Ajo do të zyrtarizohet nesër në këtë pozitë. Por sa e njeh bota atë?

Tragjedi e dyfishtë:

Babai i zonjës May, Reverend Hubert Brasier, vdiq në një aksident me makinë në vitin 1981, ndërkaq nëna Zaidee, e cila kishte sklerozë të shumëfishtë, vdiq disa muaj më vonë duke e lënë Teresën jetim në vitet e saj të 20-a, shkruan BBC.

Kohë e gjatë në shërbim

May është sekretarja që ka shërbyer më së gjati kohët e fundit në Britani. Vetëm tre paraardhës të saj kanë qëndruar më shumë se May shërbim, Duka i tretë i Portlandit nga 1794 deri më 1801, Richard Cros nga 1870 deri më 1880 dhe James Chuter Ede në vitet 1940. Sikurse May, edhe Portland shërbeu si kryeministër.

Shëndeti

Zonja May është diagnostifikuar me diabet të tipi 1 në vitin 2013, çka do të thotë se asaj i duhet të injektoj veten me insulinë të paktën dy herë në ditë. Shoqata e Diabetit ka deklaruar se May mund të bëhet liderja e parë botërore që ka pranuar publikisht gjendjen e saj shëndetësore.

Këpucët

Theresa May është e njohur për dashurinë e saj ndaj këpucëve (dizajnin me lëkurë të leopardit e ka të preferuar), transmeton lajmi.net

Biografia

Kryeministrja e ardhshme e Britanisë e lindur në tetor të vitit 1956, u takua me burrin e saj Filipi, në Universitetin e Oksfordit në vitin 1976. Ata u prezantuan nga një grua tjetër ish-kryeministre, Benazir Bhutto e Pakistanit.

Grua e veçantë

May nuk arriti të hyjë në listën e Top 10 grave më me ndikim të vitit 2015, por ajo u rendit e dytë në listën e grave më të veçanta në vitin 2013, ku e para ishte Mbretëresha.