Një person me ndikim është dikush që ka krijuar një reputacion rreth një komuniteti. Shpesh ata janë edhe ambasador të një marke të caktuar.
Pjesë e kësaj industrie me një sukses shumë të madh është edhe modelja me prejardhje nga Kosova, Anetta Berisha.
Vetëm 20 vjeçare, ajo ka arritur të mbledh plot 324 mijë ndjekës në rrjetin social Instagram dhe të krijoj koleksionin e saj të parë në bashkëpunim me një markë rrobash.
Foto: Instagram
Në një intervistë për Telegrafin, Anetta tregon më shumë se si vendosi t'i bashkohej këtij profesioni, vështirësitë që ka hasur në fillimet e saj, si dhe planet e së ardhmes.
Meqenëse nuk kemi njohuri të mjaftueshme – a mund të bësh një prezantim të shkurtër për lexuesit e Telegrafit. Kush është Anetta Berisha?
Unë jam Anetta Berisha, 20 vjeçare, jam në përfundim të studimeve për biznes. Kam lindur dhe jam rritur në Londër, por me prejardhje jam nga Kosova.
Foto: Instagram
Si filloi eksperienca juaj në fushën e modës?
Me modeling kam filluar të merrem në moshën 13 vjeçare. Kam qenë pjesëmarrëse në sfilata të ndryshme, deri sa e gjeta veten tek Instagrami. Atherë puna në Instagram nuk ka qenë diçka e njohur, për dallim nga tash ku është një lloj profesioni i mirëfilltë.
Foto: Instagram
A ishte e vështirë qasja në këtë treg?
Njësoj si në çdo profesion tjetër, edhe puna si modele ka vështirësi. Për mua ka qenë problem gjatësia, pasi nuk jam shumë e gjatë, por gjithsesi nuk jam ndalur asnjëherë deri sa e kam arritur qëllimin tim dhe kam punuar pa fund për çdo gjë që e kam dashur.
Foto: Instagram
Shumë nga fotografitë tuaja në Instagram janë provokuese - në të brendshme apo veshje të shkurtra dhe me siguri kanë ngjallur reagime të shumta, si i keni pritur ju këto komente?
Po, ka pasur komente negative, por unë nuk i lejoj që të ndikojnë sepse unë besoj që një person që shfaq vetëm negativitet ka probleme fillimisht me vetën, kështu që nuk e lejoj që kjo të ndikoj në disponimin tim. Asnjëherë nuk e lejoj dikë t’i prish planet e mija, kryesore është mbështetja e familjes, për të tjerët nuk merakosem.
Foto: Instagram
Çfarë pëlqen Anetta të bëj në kohën e lirë?
Duke filluar nga shkolla e mesme, hobi im ka qenë dizajni. Kam studiuar dy vite për dizajn, vizatoj shumë dhe këndoj - në përgjithësi më pëlqejnë gjërat që kanë të bëjnë me artin.
Foto: Instagram
A është edhe YouTube një pasion i Anettës, a të pëlqen të krijosh përmbajtje rregullisht për këtë rrjet social?
Me YouTube kam filluar të merrem gjatë pandemisë pasi kisha më shumë kohë të lirë dhe kisha dëshirë që ndjekësve të mi t’ju ofroja diçka pozitive, larg negativitetit.
Foto: Instagram
Keni pasur edhe një bashkëpunim me markën “Luxe to kill”, si ishte kjo eksperiencë?
Koleksioni im me “Luxe To Kill” ka qenë një eksperiencë e jashtëzakonshme. Unë e kam dizajnuar koleksionin së bashku me dizajnerët që punojnë për markën. I kemi realizuar fotografitë në Milano dhe në Londër, pastaj reklama ka dalë edhe si billboard në Londër, që ishte njëkohësisht arritja ime më e madhe!
Foto: Instagram
A ke plan të vazhdosh me ndonjë koleksion tjetër?
Në vazhdim besoj se do të merrem me gjëra të ngjashme, në muajin maj do të vij diçka e re që do t’ju pëlqej të gjithëve.
Foto: Instagram
Shihet se fokusi juaj kryesor është në postimet e Instagramit, por a mendon të marrësh pjesë edhe në ndonjë konkurs bukurie?
Për momentin fokusi im kryesor është Instagrami, nuk e shoh veten shumë në konkurse bukurie edhe pse kam pasur oferta për të tilla si “Miss Universe”, por dëshira ime më e madhe është të punoj diçka më të thjeshtë dhe besoj se Instagrami për momentin më përshtat më së shumti. Por kjo nuk është një ‘jo’ e prerë, pasi jetës nuk i dihet asnjëherë.
Foto: Instagram
Çfarë këshille do i jepje një vajze shqiptare që dëshiron të bëhet modele?
Për çdo femër që dëshiron të jetë modele do t’ju sugjeroja të mos ndalen asnjëherë duke ndjekur ëndrrat e tyre, edhe nëse të tjerët nuk besojnë në to. Mos kini frikë të provoni gjëra të reja, pasi jetës nuk i dihet asnjëherë.
Foto: Instagram
Cilat janë planet tuaja për vitin 2022?
Planet e mija për vitin 2022 janë që të udhëtoj sa më shumë! E kam një projekt shumë interesant gjatë muajit maj, po punoj shumë për të. Gjatë verës do të vij edhe një surprizë tjetër që besoj do të jetë e mrekullueshme.
Foto: Instagram
Cili është mesazhi që do e përcillje për lexuesit e Telegrafit?
Mesazhi im për lexuesit e Telegrafit është ta jetojnë jetën ashtu siç duan, pasi është më mirë të jenë pishman për diçka se sa ta kenë me merak gjithë jetën. Ndiqni ëndrrat tuaja, pa marrë parasysh çfarë thonë të tjerët. Vetëbesimi është më i rëndësishëm se sa besimi që të tjerët kanë te ti. /Telegrafi/
Foto: Instagram
Foto: Instagram
Foto: Instagram
Foto: Instagram
Foto: Instagram
Foto: Instagram
Foto: Instagram
