Kurti takon profesorin dhe analistin amerikan Serwer: Mirënjohës për analizën dhe këshillat e tij të mençura

Kryeministri i Kosovës, Albin Kurti ka pritur në zyrën e tij analistin dhe profesorin amerikan Daniel Serwer, të cilin e konsideroi si një diplomat dhe mik të madh të Kosovës.

Kurti, përmes një postimi në platformën “X” tha se  është mirënjohës për analizën e prerë dhe këshillat e mençura të Serwer për çështjet më të rëndësishme me të cilat përballet Republika e Kosovës.

“Një kënaqësi për t’u rilidhur me Profesorin Daniel Serwer, një diplomat i madh dhe një mik edhe më i madh i Kosovës. Ky ishte takimi i fundit nga takimet e shumta që kemi pasur gjatë më shumë se dy dekadave, por ishte hera e parë që pata privilegjin ta mirëpres në Zyrën e Kryeministrit. Si gjithmonë, jam mirënjohës për analizën e tij të prerë dhe këshillat e tij të mençura për çështjet më të rëndësishme me të cilat përballet Republika jonë dhe qytetarët e saj, dhe rajoni në tërësi”, ka shkruar Kurti, transmeton Telegrafi.

A pleasure to reconnect with Professor @DanielSerwer, a great diplomat and an even greater friend of Kosova. This was only the latest of numerous meetings we’ve had over the course of more than two decades, but it was the first time I had the privilege of welcoming him to the… pic.twitter.com/x9VuS94FuE

— Albin Kurti (@albinkurti) June 27, 2024

Serwer po qëndron në Prishtinë ku mori pjesë në diskutimin me temën “E ardhmja e dialogut ndërmjet Kosovës dhe Serbisë: Mundësitë për dinamika të reja dhe ndikimi i zgjedhjeve në BE dhe SHBA”. /Telegrafi/