Kupa e Botës fillon me skandale: Tetë lojtarë të Ekuadorit morën ryshfet për të humbur ndeshjen kundër Katarit?

Organizimi i Kupës së Botës është një përgjegjësi e madhe, të cilën Katari nuk duket se po e trajton mirë.

Javëve të fundit, ka pasur raportime në rritje që ekspozojnë shkeljen e të drejtave të njeriut, vendin dhe mungesën e garancive që ata kanë për të përballuar një ngjarje që bashkon kultura të shumta nga e gjithë bota.

Sikur të mos mjaftonte kjo, tashmë nikoqirët e Botërorit po përballen me akuza të rënda, të cilat do t’i linin në një dritë të keqe.

Sipas Amjad Taha, ekspert në çështjet strategjike politike dhe drejtor rajonal i qendrës britanike në Arabinë Saudite, tetë lojtarëve të Ekuadorit dyshohet se u janë dhënë ryshfet 7.4 milionë dollarë në këmbim të fitores në ndeshjen kundër Katarit.

https://twitter.com/amjadt25/status/1593271354803032064

A ka presion që Ekuadori të humbasë kundër Katarit?

Eksperti paralajmëroi se burime të brendshme nga Ekuadori dhe Katari konfirmuan operacionin dhe i kërkuan botës që të kundërshtojë ” korrupsionin e FIFA-s”.

Sipas raportit, persona nga Katari u kanë ofruar ekuadorianëve që t’i linin të fitonin me rezultat 0:1, me një gol në pjesën e dytë në këmbim të një tarife të madhe parash.

The World Cup Is Such A Shit Show That Thousands Of People Believe Qatar Paid Ecuador Players $7.4 MILLION To Throw The First Match https://t.co/qxiuccDHQZ pic.twitter.com/6zm0UEWCc8

— Barstool Sports (@barstoolsports) November 17, 2022

Publikime të tilla është e vështirë të injorohen, pasi Katari është akuzuar në të kaluarën se i ka dhënë ryshfet FIFA-s me miliona dollarë për t’u zgjedhur si organizator i Kupës së Botës.

Tre ditë para fillimit të Kupës së Botës, as qeveria dhe as Federata e Futbollit të Katarit nuk janë komentuar mbi faktet. /Telegrafi/