Kultivuesit e duhanit në Saraçinë të pakënaqur me çmimin e blerjes (Video)

Bujku Idriz Hajrullahu është njëri ndër banorët e fshatit Straçincë i cili prodhon duhan. Në oborrin e tij ka mbi 500 kg duhan, i cili është duke u tharë nën najlon. Por, Idriz Hajrullahu thotë se përpjekjet dhe mundi i dhënë rreth prodhimit të kësaj kulture nuk paguhet të paktën me çmimin që ofrohet gjatë blerjes.

Idriz Hajrullahu theksoi se ka një marrëveshje me fabrikën e duhanit “Sokotap” për blerje të duhanit, por nga atje i kanë ofruar çmim shumë të ulët. Ai thotë se me atë përfitim nuk do të mund të plotësojë nevojat e familjes së tij.

Ministri i bujqësisë Mihaill Cvetkov lidhur me dyshimet e bujqve për vlerësimin e cilësisë së duhanit deklaroi se çmimi varet nga kualiteti i duhanit. Ai thotë se ekzistojnë mekanizma për rregullimin e çmimit për blerjen e duhanit.

Sipas ministrit Cvetkov deri më tani tek komisioni i shkallës së dytë nuk kanë arritur ankesa. Por nuk e përjashtoi mundësinë e tyre pasi që edhe në disa rajone tjera në Maqedoni ka prodhues të duhanit që nuk janë të kënaqur me çmimin e ofruar./Telegrafi/