Ku qëndron sekreti i flokëve të bukura?

Parakusht i flokëve të bukura janë flokët e shëndosha. Shikoni se çka dini rreth kujdesit ndaj flokëve...

Qëllimi primar i përdorimit të shamposë është pastrimi i lëkurës së kokës, e pastaj edhe i flokëve. Sikur qelizat e lëkurës në fytyrë dhe trup që përtërihen vazhdimisht, procesi i njëjtë zhvillohet edhe në sipërfaqe të kokës. Në mënyrë që ta hidratoni sa më mirë këtë pjesë të trupit, rëndësi ka zgjidhja e shamposë adekuate, si dhe masazhi i butë i lëkurës së kokës. Kështu do të vijë deri te përmirësimi i mikroqarkullimit dhe largimit të qelizave të vdekura nga sipërfaqja e lëkurës.

Njësoj me fytyrën, ku mund të dallohen shenjat e plakjes së parakohshme, po ashtu ato shihen edhe në flokë. Duke u plakur, ngadalësohet përtëritja e qelizave në tërë trupin, e me këtë edhe në lëkurën e kokës.
Rezultat i kësaj është një rritje e ngadalësuar dhe një kualitet gjithnjë e më i ulët i flokëve. Ky problem mund të zbutet me përdorimin e preparateve intensive për hidratim.

Viteve të fundit gjithnjë e më i popullarizuar është vaji i arganit, i cili përfitohet nga një dru që rritet vetëm në Marok. Ai përdoret si shampon, apo edhe si maskë ushqyese për flokë. /Telegrafi/