Çështja “Borea”, kryetari Muhaxheri i kundërpërgjigjet asamblistit Veselaj

Gazmend Muhaxheri, Kryetari i Komunës së Pejës, i është përgjigjur asamblistit Drin Veselaj në lidhje me vendimet që lidhen me komunën e Pejës.

Ai theksoi se të gjitha vendimet për këtë komunë i merr vetëm ai, përveç ndonjë ndryshimi që mund të bëjë Ministria e Mjedisit, Planifikimit Mjedisor dhe Infrastrukturës, transmeton Telegrafi.

“Vetëm ndryshimi i ndonjë vendimi mundet të kryhet nga ministria, për të tjerat ky gjoks i ka pru krejt, çka u bo edhe çka ka për tu bërë të gjitha këto projekte. Vetëm hyn edhe lexo në rajon, si janë bërë para 12 apo 13 viteve, d.m.th ato nisin me kohë e pastaj shkojnë dhjetë apo 12 vite, për tu realizuar”, i është përgjigjur Muhaxheri.

Kryetari Muhaxheri ka vazhduar duke theksuar se projekti Borea nuk është politik dhe se nuk mund të ndryshohet tani, pasi kompetencat për të i takojnë MMPHI-së.

“Nuk desha ta bëj politikë por pasi po thoni jua tregoj emalin me çka është ndalu ky projekt, krejt kjo punë nuk është për politikë, por as këtë vendim s’mundem ta ndryshoj sepse këtë mund ta ndryshoj vetëm ministria”, përfundoi Muhaxheri.

Në përfundim, Muhaxheri theksoi se angazhimi për realizimin e projekteve në komunën e Pejës është në përputhje me rregullat dhe kompetencat e përcaktuara, duke shtuar se çdo ndryshim në vendim mund të bëhet vetëm nga Ministria përkatëse.