Kryeshefi i Inspektoratit Policor të Kosovës, Hodaj takohet me homologun nga Shqipëria, zotohen për bashkëpunim të mëtutjeshëm

Ushtruesi i detyrës së kryeshefit ekzekutiv të Inspektoratit Policor të Kosovës, Kushtrim Hodaj priti në takim drejtorin e Përgjithshëm të Shërbimit për Çështje të Brendshme dhe Ankesa (SHÇBA) të Republikës së Shqipërisë, Muhamet Rrumbullaku ku diskutuan për përgjegjësitë ligjore/institucionale – mënyrën e organizimit, mundësitë për fuqizimin e bashkëpunimit në shkëmbimin e informacioneve si dhe bashkëpunimin në fushën e hetimeve dhe inspektimet e përbashkëta.

Gjatë këtij takimi, zyrtarët e IPK-së e informuan Rrumbullaku dhe zyrtarët e tjerë të SHÇBA-së për punën dhe të arriturat e Inspektoratit Policor të Kosovës duke potencuar rëndësinë e fuqizimit të bashkëpunimit dypalësh në fushën e mbikëqyrjes policore dhe kontrollit të brendshëm.

“Në këtë takim u diskutua edhe mbi përgjegjësitë ligjore/institucionale – mënyrën e organizimit, mundësitë për  fuqizimin e bashkëpunimit në shkëmbimin e informacioneve si dhe bashkëpunimin në fushën e hetimeve dhe inspektimet e përbashkëta”, thuhet në komunikatë për medie.

“Që të dy agjencitë homologe (IPK dhe SHÇBA)  u zotuan  për angazhim të mëtutjeshëm  drejt fuqizimit të bashkëpunimit në fushën e mbikëqyrjes policore dhe shërbimeve të kontrollit të brendshëm në të dy vendet, me qëllim rritjen e efektivitetit dhe efikasitetit në luftën kundër dukurive negative në radhët e policisë si dhe respektimin e të drejtave dhe lirive të individit”, thuhet tutje në komunikatë. /Telegrafi/