Kriza e ujit në Afrikën e jugut, ekspertët dalin me një ide të pamenduar më parë – përdorimin e ajsbergëve nga Antarktida

Një qytet i Afrikës së Jugut ka kaluar tre vjet në thatësirë duke regjistruar reshje shumë të pakta shiu, ndërsa tanimë shumica e rubineteve të banorëve do të thahen, duke paralajmëruar atë që quhet “Dita Zero”.

Cape Town, është qyteti i parë i madh në botë që regjistron këtë ditë.

Qeveria e qytetit gjatë muajve të fundit u ka bërë thirrje qytetarëve të saj që të zvogëlojnë në mënyrë drastike konsumin e ujit, duke bërë dushe të shkurtra dhe duke ripërdorur ujin në tualetet dhe kopshtet e tyre.

Ekspertët planifikojnë të tërheqin ajsbergët nga Antarktida, përcjell Shqiptarja, duke i sjell ato nëpër oqean drejt Afrikës së Jugut. Autoritetet pretendojnë se po punojnë, por vendi po kalon një krizë të pashembullt të ujit.

Nick Sloane, një nga ekspertët e projektit të akullnajave, i tha agjencisë së lajmeve “Reuters”: “Mund të them se nëse nuk ka burim tjetër për të zgjidhur krizën e ujit, ne kemi një ide tjetër që askush tjetër nuk ka menduar akoma”.

Në mënyrë të veçantë, ekspertët planifikojnë të mbyllin ajsbergun në pëlhura të veçanta për të ndaluar shkrirjen e tij, pastaj t’i bashkëngjitni anijeve të mëdha që do të tërheqin akullin mbi Rrymën e Benguela, një rrymë që ndodhet në Oqeanin Atlantik të Jugut që rrjedh drejt veriut përgjatë bregut perëndimor të Afrikës Jugore.

Një ajsberg i vetëm “mund të prodhojë rreth 150 milionë litra në ditë për rreth një vit”, rreth 30% të nevojave të qytetit, tha Sloane, drejtor në firmën e shpëtimit detar të SHBA, Resolve Marine.

Sloane po kërkon investitorë për skemën që ai ka thënë se do të kushtonte 130 milionë dollarë dhe ekspertët do të mblidhen në mes të majit për të diskutuar nëse plani i tij është i mundur.