Këto krevate, për shkak se zënë më pak hapësirë, janë ende një zgjedhje shumë e parapëlqyer në rregullimin e dhomave të fëmijëve
Edhe pse shumë prindër kanë frikë për sigurinë e vogëlushëve të tyre, sot këto krevate janë më të sigurta se kurrë, dhe nëse i bëni sipas masës - janë më të bukura se kurrë, transmeton Telegrafi.
Nëse dhoma e fëmijëve është e vogël, ndërsa ajo ndahet gjithashtu nga dy ose më shumë fëmijë të vegjël, një krevat me kate është një mundësi e pashmangshme.
Nëse vendosni t’i bëni sipas masës, mund të krijoni një pamje me të vërtetë origjinale të dhomës dhe fëmijët do të kënaqen.
Detajet siç është një perde që banuesit e rinj mund të vënë për një ndjenjë intimiteti janë gjithmonë një detaj i mirëpritur, ashtu si edhe raftet që do t’i zëvendësojnë komodinat.
Duke mos pasur një shtrat shtesë në pjesën e poshtme, por mbi shtratin tjetër, ju kurseni shumë hapësirë. Kjo është shumë e dobishme në dhomat e fëmijëve, duke marrë parasysh që fëmijët gjithashtu përdorin dhomën për të mësuar, luajtur, fjetur, shoqëruar me miqtë dhe më shumë.
Krevatet me kate janë gjithashtu një zgjedhje e mirë kur fëmijët nuk ndajnë dhomën, pasi kjo gjithashtu kursen hapësirë. Nën shtratin e ngritur mund të vendoset një hapësirë pune, dollap ose ndonjë hapësirë lojërash.
Së fundmi, është e rëndësishme të dimë se mungesa e hapësirës nuk duhet të jetë një faktor kufizues, por një nxitje për krijimtari. /Telegrafi/
