Superylli i futbollit, Cristiano Ronaldo, kishte mbetur paksa prapa në listën e lojtarëve më të paguar në vitet e fundit, mirëpo ai u rikthye në maje pas marrëveshjes mega-milionëshe me Al-Nassr.
37-vjeçari ka rimarrë vendin në listën e futbollistëve më të paguar me mbi 200 milionë euro përfitime vjetore te klubi saudit.
Në tetor të vitit të kaluar, Forbes njoftoi se CR7 kishte rënë në listë dhe se Kylian Mbappe e kishte marrë kreun pas marrëveshjes së tij të re me Paris Saint-Germainin.
Voetbal Travel ka analizuar pagat e 33.000 futbollistëve aktivë në më shumë se 200 vende me qëllim që të gjejë lojtarët më të paguar në këtë sport.
Pa konkurrencë në kryes është Cristiano, i ndjekur nga Mbappe dhe Neymar, në pozitat dy dhe tre, respektivisht), kurse Lionel Messi është i katërti në këtë renditje. Kevin De Bruyne është futbollisti më i paguar në Ligën Premier, ndërsa në këtë listë është vetëm i pesti.
Dhjetë futbollistët më të paguar në botë (pagat vjetore):
1 Cristiano Ronaldo 177.000.000 funte (201.440.000 euro)
2 Kylian Mbappe 64.000.000 funte (72.830.000 euro)
3 Neymar 42.120.000 funte (47.930.000 euro)
4 Lionel Messi 34.840.000 funte (39.650.000 euro)
5 Kevin De Bruyne 20.800.000 funte (23.670.000 euro)
6 Erling Haaland 19.500.000 funte (22.200.000 euro)
7 David De Gea 19.500.000 funte (22.200.000 euro)
8 David Alaba 18.824.000 funte (21.430.000 euro)
9 Mohamed Salah 18.200.000 funte (20.720.000 euro)
10 Raheem Sterling 16.900.000 funte (19.240.000 euro)
/Telegrafi/
