Kovaçevski në takim me Roth: Mbështetje e fuqishme nga Bundestagu për procesin eurointegrues të RMV-së

Procesi i miratimit të ndryshimeve kushtetuese, si dhe shumë tema aktuale, ishin në fokus të bisedimeve në takimin e sotëm të kryeministrit të Maqedonisë së Veriut, Dimitar Kovaçevski me kryesuesin e Komitetit për Politikë të Jashtme të Bundestagut, Michael Roth.

Siç njoftojnë nga Qeveria, Roth konfirmoi mbështetjen e vendosur të Gjermanisë për Maqedoninë e Veriut në rrugën e integrimeve evropiane dhe vlerësoi se tani është koha që vendi të vazhdojë me vendosmëri përpara deri në përmbushjen e qëllimit strategjik të anëtarësimit në Bashkimin Evropian.

“Maqedonia e Veriut duhet ta njohë rëndësinë e momentit historik para të cilit gjendet dhe për këtë me rëndësi të madhe është që të bëhet hap para në procesin e integrimeve evropiane i cili për qytetarët do të sigurojë të ardhme të sigurt evropiane”, thuhet në kumtesë.

Roth ka potencuar se Gjermania e sheh Maqedoninë e Veriut si pjesë e pandashme e Bashkimit Evropian, vend aspiratat dhe përparimi i të cilit duhet të shpërblehen me merita me anëtarësimin në familjen e madhe evropiane.

Në takim, kryeministri Kovaçevski ka shprehur mirënjohje të madhe për mbështetjen shumëvjeçare të vazhdueshme nga Gjermania, duke e miratuar Rezolutën të cilën e miratoi Bundestagu gjerman për Maqedoninë e Veriut.

Ka nënvizuar “se e çmojmë thellë Rezolutën e Bundestagut gjerman me të cilin konfirmohet mbështetja e parezervë e Maqedonisë së Veriut për anëtarësim në BE me identitet, gjuhë, kulturë dhe histori si pjesë e mozaikut evropian”.

“Në takim, ishin njohur dhe përshëndetur përpjekjet e Qeverisë së Republikës së Maqedonisë së Veriut në zbatimin e procesit të reformave në drejtim të përmirësimit të situatave në të gjitha sferat e jetës shoqërore”, njoftuan nga Qeveria.

Në takim u theksua se duhet të vetëdijësohen të gjitha partitë politike parlamentare për bashkim rreth përmbushjes së qëllimit të përbashkët strategjik – anëtarësimit të Maqedonisë së Veriut në Bashkimin Evropian, sepse kjo do të sjellë një të ardhme të sigurt dhe të begatë për të gjithë qytetarët.