Gratë afariste nga Kosova, Serbia, Bosnjë e Hercegovina, Mali i Zi, Shqipëria dhe Maqedonia e Veriut janë bashkuar që nga 24 e deri më 26 tetor në kuadër të nismës rajonale për forcimin e rolit të grave të Ballkanit Perëndimor, Balkan Women Association (BWA) , organizatë kjo që u themelua nga bashkimi i 6 organizatave të 6 vendeve të Ballkanit Perëndimor vitin e kaluar në Prishtinë.
Organizata udhëheqëse është organizata Lady nga Kosova. Së fundmi është duke u implementuar projekti Woman Book, projekt ky i mundësuar nga Fondi i Ballkanit Perëndimor (Western Balkans Fund) dhe nga Help – Hilfe zur Selbsthilfe.
Ky projekt tregon se si metodat bashkëpunuese nxisin zhvillimin e kapaciteteve, solidaritetin dhe bashkëpunimin e grave në Rajon.
Këto gra që kontribuojnë aktivisht në shoqërinë civile dhe në të mire të komunitetit ku jetojnë, deri më tani kanë zhvilluar takime strategjike rajonale, sesione mentoruese me gra të suksesshme ndërmarrëse rajonale, panele me studentë të universiteteve të ndryshme në Ballkan dhe tash së fundi punëtorinë në stilin world cafe me gratë nga Rajoni.
Të gjitha këto aktivitete do të kontribuojnë në krijimin e librit Woman Book, libër ky që do të përmbajë 60 rrëfime suksesi nga gratë e 6 vendeve të Ballkanit Perëndimor për të përforcuar pozitën dhe rolin e gruas në Ballkan. Motoja e kësaj nisme është ”I love Balkan”.
Ky veprimi synon të kontribuojë në objektivin e përgjithshëm në forcimin e bashkëpunimit rajonal dhe kohezionit rajonal në WB6. Për arritjen e këtij objektivi afatgjatë, objektivat specifike të projektit janë të forcojnë koalicionin e OShC-ve nga vendet e 6WB përmes përhapjes së njohurive dhe përvojave; për të përmirësuar kapacitetet e grave sipërmarrëse dhe gratë potencialisht të ardhshme sipërmarrëse nga vendet 6WB dhe për të mundësuar përmirësimin e mjedisit për forcimin e identitetit kulturor rajonal dhe dialogun ndërkulturor në partnerët kontraktues 6WB duke rritur bashkëpunimin ndërmjet institucioneve përmes iniciativave kulturore, aktiviteteve dhe projekteve.
Balkan Women Association ka për qëllim unifikimin e shteteve të Rajonit nëpërmjet bashkëpunimit të organizatave të këtyre vendeve në mënyrë që të : mbështes zhvillimin e ndërmarrjeve të grave në Kosovë, Ballkan dhe më gjerë; forcoj promovimin e bizneseve të grave dhe rrjetëzimit të tyre; forcoj kapacitetin e organizatave kombëtare përmes veprimit të përbashkët; mbështes zhvillimin e qëndrueshëm të biznesit të grave; mbështes kulturat industriale krijuese; mbështes grupet e cenueshme dhe sidomos grupet e margjinalizuara; mbështes zhvillimin e marrëdhënieve të grave në shtetet e Ballkanit; përkrah lidhjet ekonomike, kulturore dhe shkencore mes grave në Rajon; rris ndikimin e kulturës në ekonomi si parakusht për zhvillimin ekonomik; përkrah proceset demokratike dhe marrëdhëniet e mira ndër-fqinjësore; zvogëloj pabarazitë sociale dhe ekonomike në vendet e Ballkanit si dhe të shkëmbej njohuritë, përvojat dhe praktikat më të mira mes vendeve të Rajonit.
Le ti njohim më shumë këto gra që premtojnë të bëjnë mrekullira në Rajon.
Nismëtare për themelimin e kësaj nisme është Sanija Murati , që udhëheqë Organizatën Joqeveritare “Lady” nga Prishtina, që nga viti 2005. OJQ Lady ka një histori të suksesshme të punës me institucione lokale dhe qendrore në mbështetjen e krijimit të shumë bizneseve fillestare me gratë dhe të rinjtë. OJQ Lady krijoi Shtëpinë e parë të këshillimit për gratë CC4 women në Kosovë e cila siguron një grup unik kompetencash bazuar në përvojën e kombinuar shumëvjeçare të ofrimit të trajnimeve të ndërmarrësisë.
Sanija, gjatë këtyre aktiviteteve, ka theksuar se nëpërmjet punës së përbashkët dhe shkëmbimit të përvojave më të mira të partnerëve , organizata BWA do të jetë inspiruese për të gjitha vajzat dhe gratë në aspektet ekonomike, kulturore, afariste, edukative dhe sociale. Sipas saj, gjithçka mund të arrihet nëse ndihmojmë të tjerët që të jenë si ne.
Elma Tershana, partnere në Organizatën Rajonale të BWA-se, për më tepër drejtoreshë e Observatorit për të Drejtat e Fëmijëve dhe të Rinjve, që është themeluar në vitin 2013 në Tiranë, me përvojë shumë vjeçare në në zbatimin efektiv të të drejtave të fëmijëve dhe të rinjve në Shqipëri nëpërmjet monitorimit të situatës, hulumtimit, avokimit, vetëdijesimit dhe edukimit.
Gjatë këtyre takimeve, Tershana citoi që ndjehet mjaft e bekuar që bënë pjesë në këtë mjedis multikulturor, me kaq harmoni dhe profesionalizëm nga të gjitha shtetet e Ballkanit Perëndimor. Ky format I krijuar, u krahasua si nismë që tenton ti kalojë kufijtë nga nocionet politike dhe të interpretohet si format unifikues kulturor e profesional për angazhimin e zonjave të Ballkanit.
Daniela Dabeska nga Maqedonia, e cila është Drejtoreshë e Qendrës Maqedone për të drejtat e Grave, Shelter Centre Skopje që është themeluar në 2001 dhe kontribuon drejt fuqizimit të të drejtave grave përmes ofrimit të shërbimeve mbështetëse për gra të mbijetuara të dhunës në familje dhe dhunës me bazë gjinore. Daniela si partnere e këtij koalicioni Ballkanik , ka deklaruar se ndjehet mjaft e nderuar për të qenë e përzgjedhur dhe pjesëmarrëse në ndryshimet që do të ndodhin në Ballkan. Daniela shprehet të jetë mjaft bashkëpunuese për të ndarë përvojat, historitë që do ti kontribuonin të gjitha grave të Ballaknit.
Edita Dautovic nga Mali I Zi, drejtoreshë e Asociacionit të Grave Ndërmarrëse të Malit të Zi që është themeluar më 2009. Organizata punon me qëllim të forcimit të sipërmarrjes së grave përmes përpjekjeve të organizuara dhe të vazhdueshme për të përmirësuar mjedisin afarist dhe social, për të eliminuar barrierat e biznesit. Ajo merr pjesë në të gjitha sferat e jetës shoqërore, veçanërisht në ato segmente që lidhen me emancipimin dhe zgjerimin e sipërmarrjes së grave. Edita shprehet me krenari për arritjet e tyre për fuqizimin e rolit të grave në Mal të Zi duke e përfshirë numrin e grave në ndërmarrësi nga 9,6 % në 24 % në total.
Parnere tjetër e pranishme në këtë takim është dhe Jasmina Saviq, e lindur në Prizren dhe e cila që nga mosha 15 vjeçe jeton në Kragujevc, dhe drejton Shoqatën “Filigran Art” nga Serbia që është themeluar më 2018. Shoqata Filigran Art punon drejt zhvillimit social, ekonomik dhe kulturor, ruajtjes së traditës së ndikimit kulturor në ekonomi si parakusht për zhvillimin ekonomik si dhe inkurajimin dhe forcimin e bashkëpunimit ndërmjet vendeve të Ballkanit dhe popujve. Jasmina, shprehet të inkurajojë të gjitha gratë e margjinalizuara për të cilat nuk u dëgjohet zëri dhe është e pamundshme të çaset në shoqërinë civile.
Pjesë e BWA-së është dhe Adisa Tufo nga Bosnjë e Hercegovina, ekonomiste dhe sipërmarrëse e që punon drejt promovimit të vlerave pozitive në shoqëri, mbështetjes së nismave të ndryshme sipërmarrëse të grave përmes edukimit dhe mentorimit, përkrahjes së punësimit dhe mbështetjes së grave drejt fuqizimit të tyre ekonomik dhe përfshirjes së grupeve të margjinalizuara në shoqëri. Ajo ka marrë disa çmime domethënëse për punën dhe aktivitetet e saj në vend dhe rajon.
Ajo është pronare dhe kryeredaktore e portalit “poduzetnice.ba”, dhe është aktive në disa organizata joqeveritare, ndër të cilat Shoqata për Demokraci, Sipërmarrësi dhe Kulturë “PoduztniceIN”, nga e cila është një nga themelueset dhe presidente aktuale. Angazhimi social i znj. Tufo është përqendruar gjithashtu në afirmimin e sipërmarrjes së grave, dhe me aktivizmin e saj shprehës përmes punës së Shoqatës dhe rrjetëzimit me të gjithë rajonin, ajo ka një efekt veçanërisht pozitiv në zgjerimin e perspektivës së secilit individ, dhe thyerjen e stereotipeve dhe paragjykimeve.
Duke njohur këtë profil të këtyre grave, dëshmon qe kjo shoqatë beson dhe premton shumë për vajzat dhe gratë e Ballkanit.
Promo
Reklamo këtuLufta Prigozhin - Putin
Më shumëNga Rubrika
![Mickoski: Ndryshimet kushtetuese me efekt të vonuar janë zgjidhje e mundshme, nëse ka garanci për anëtarësim në BE](https://telegrafi.com/wp-content/uploads/2024/08/Mickoski-me-llogo-1-380x233.jpg)
Mickoski: Ndryshimet kushtetuese me efekt të vonuar janë zgjidhje e mundshme, nëse ka garanci për anëtarësim në BE
![Prokuroria Themelore e Pejës funksionon vetëm me 11 prokurorë, Haxhiu: Pavarësisht kësaj, rezultatet nuk mungojnë](https://telegrafi.com/wp-content/uploads/2024/09/457495578_26391564067154368_2147743089476254060_n-380x233.jpg)
Prokuroria Themelore e Pejës funksionon vetëm me 11 prokurorë, Haxhiu: Pavarësisht kësaj, rezultatet nuk mungojnë
![Shantazhonin persona të ndryshëm, tre të rinj në pranga në Tiranë](https://telegrafi.com/wp-content/uploads/2024/08/shantazh-380x233.png)
Shantazhonin persona të ndryshëm, tre të rinj në pranga në Tiranë
![Rreth 100 plumba të shkrepur mes dy grupeve – pamje nga vendi ku ndodhi vrasja dhe plagosja e pesë personave në Prishtinë](https://telegrafi.com/wp-content/uploads/2024/09/5-vrasja-aktash-780x439.jpg)
Rreth 100 plumba të shkrepur mes dy grupeve – pamje nga vendi ku ndodhi vrasja dhe plagosja e pesë personave në Prishtinë
![Kupchan: Manovrat në veri i shërbejnë Kurtit, e jo Kosovës](https://telegrafi.com/wp-content/uploads/2024/09/Charles-Kupchan_VoA-780x439.jpg)
Kupchan: Manovrat në veri i shërbejnë Kurtit, e jo Kosovës
![Një 21 dhe 29 vjeçar mbetën të plagosur mbrëmë në Prishtinë, gjendja e tyre është stabile](https://telegrafi.com/wp-content/uploads/2024/09/vrasja-aktash-780x439.jpg)
Një 21 dhe 29 vjeçar mbetën të plagosur mbrëmë në Prishtinë, gjendja e tyre është stabile
![Imer Imeri dëshmitari i radhës në gjykimin ndaj Thaçit dhe të tjerëve, ZPS thotë se ai ishte rrëmbyer nga UÇK-ja](https://telegrafi.com/wp-content/uploads/2024/09/Screenshot_1-7-780x439.jpg)
Imer Imeri dëshmitari i radhës në gjykimin ndaj Thaçit dhe të tjerëve, ZPS thotë se ai ishte rrëmbyer nga UÇK-ja
![I dënuar për vrasjen e djalit dhe nuses shtatzënë, gjendet i vetvarur Ëngjëll Ucaj](https://telegrafi.com/wp-content/uploads/2023/12/burgu-peqin-780x439.jpg)
I dënuar për vrasjen e djalit dhe nuses shtatzënë, gjendet i vetvarur Ëngjëll Ucaj
![Përleshja e armatosur në Prishtinë, Prokuroria: Shkak mosmarrëveshjet e mëhershme – dyshohet edhe për persona të tjerë të përfshirë](https://telegrafi.com/wp-content/uploads/2024/09/6-vrasja-aktash-780x439.jpg)
Përleshja e armatosur në Prishtinë, Prokuroria: Shkak mosmarrëveshjet e mëhershme – dyshohet edhe për persona të tjerë të përfshirë
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Të shtëna me armë zjarri në Prishtinë, pesë të plagosur dërgohen në QKUK](https://telegrafi.com/wp-content/uploads/2024/09/te-shtena-780x439.jpg)
Të shtëna me armë zjarri në Prishtinë, pesë të plagosur dërgohen në QKUK
![Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak](https://telegrafi.com/wp-content/uploads/2024/09/Kurti-biserko-780x439.jpg)
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
![Super gol i Edon Zhegrovës përballë PSG-së](https://telegrafi.com/wp-content/uploads/2024/09/Screenshot-2024-09-01-224825-780x439.png)
Super gol i Edon Zhegrovës përballë PSG-së
![Aktorja e famshme turke ka rrënjë shqiptare - flet me krenari për veshjet dhe ushqimet tradicionale](https://telegrafi.com/wp-content/uploads/2024/09/Screenshot_25-780x439.png)
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
![Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael](https://telegrafi.com/wp-content/uploads/2024/09/lcimg-04811ac9-e9b9-4397-aa98-b03475350de8-780x439.jpeg)
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
![Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh](https://telegrafi.com/wp-content/uploads/2024/09/turizmi-780x439.jpg)
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh