Konsumi ditor i kumbullave të thata përmirëson shëndetin e kockave, zbulon studimi i ri

Dendësia minerale e kockave (BMD) dihet se zvogëlohet me shpejtësi pas menopauzës dhe gratë mbi moshën 50 vjeçare kanë më shumë gjasa të përjetojnë fraktura të ijëve, të cilat zakonisht çojnë në shtrimin në spital, ulje të cilësisë së jetës, humbje të pavarësisë dhe shkurtim të jetëgjatësisë.

Sipas një punimi të ri të botuar në revistën Advances in Nutrition, konsumi i përditshëm i kumbullave të thata ruan BMD në ijë dhe mbron nga rreziku i shtuar i frakturave tek gratë pas menopauzës.

Prevalenca e osteoporozës tek gratë e moshës 50 vjeç e lart pritet të arrijë në 13.6 milionë deri në vitin 2030, shkruan Sci News.

Agjentët alternativë jo-farmaceutikë për osteoporozën, duke përfshirë ndërhyrjet ushqyese, po bëhen gjithnjë e më popullore.

Lexo po ashtu Kumbullat e thata parandalojnë problemet me kockat, flokët dhe mund t'ju ndihmojnë të humbni peshë

Provat e mëparshme klinike në gratë pas menopauzës osteopenike kanë treguar efektet premtuese që mund të ketë konsumimi i përditshëm i kumbullave të thata në parandalimin e humbjes së kockave.

“Është emocionuese që të dhënat nga prova jonë e madhe e kontrolluar e rastësishme në gratë pas menopauzës treguan se konsumimi i pesë deri në gjashtë kumbulla të thata në ditë tregoi përfitimin e mbrojtjes nga humbja e kockave në ijë. Të dhënat tona mbështesin përdorimin e kumbullave të thata për të mbrojtur ijën nga humbja e kockave pas menopauzës”.

Lexo po ashtu Ushqimet e zakonshme që ruajnë formën trupore

“Në të vërtetë, këto të dhëna mund të jenë veçanërisht të vlefshme për gratë pas menopauzës që nuk mund të marrin terapi farmakologjike për të luftuar humbjen e kockave dhe kanë nevojë për një strategji alternative”, tha profesoresha Mary Jane De Souza.

Në studim, profesori De Souz dhe kolegët analizuan të dhënat nga 235 gra në post-menopauzë. Rezultatet treguan se gratë që konsumuan 50 gram kumbulla të thata (pesë-gjashtë kumbulla të thata) në ditë për një vit mbajtën BMD të ijëve ndërsa ato që nuk hëngrën kumbulla të thata (grupi i kontrollit) humbën masë të konsiderueshme kockore në ijë.

Lexo po ashtu A ju ndihmon vërtet lëngu i kumbullës për kapsllëk?

Për më tepër, rreziku i thyerjes së ijëve u rrit në grupin e kontrollit në krahasim me ngrënësit e kumbullave të thata që ishin të mbrojtur nga çdo rritje e rrezikut të frakturës.

“Vetëm një grusht kumbulla të thata mund t’i shtohen lehtësisht stilit të jetesës së kujtdo. Kumbullat e thata kombinohen me kaq shumë shije dhe tekstura dhe funksionojnë mirë për planet e individualizuara të të ushqyerit”, tha Dr. Andrea Giancoli. /Telegrafi/