Konkurs publik për plane më të mira biznesi dhe për fillim të biznesit

Konkurs publik për zgjedhje të planeve më të mira të biznesit dhe për fillim të biznesit është shpallur në kuadër të Projektit të financuar nga BE i titulluar ‘Integrimi i pakicave etnike të tregut të punës përmes nxitjes së potencialit të tyre për punësim’, përcjell Telegrafi Maqedoni.

Siç informojnë nga Fondacioni për Servis sipërmarrës për të rinj, qëllimi kryesor i projektit është ta fasilitojnë procesin e integrimit të të rinjve nga pakicat etnike në vend, përmes rritjes së konkurrencës së tyre në tregun e punës. Target grupe janë të rinjtë dhe gratë nga pakicat në vend prej moshës 18-35 vjeç, institucioneve relevante dhe organizata të cilat punojnë në mbështetje të grave dhe pakicave, si dhe kompani si punëdhënës potencial.

Projekti është me kohëzgjatje prej dhjetorit 2015 deri në gusht 2017.

Kusht për marrjen e çmimit monetar është formimi i ndërmarrjes. Do të shpërblehen pesë planet më të mira të biznesit, secili prej tyre i financuar me më së shumti  3 mijë euro në kundërvlerë të denarit, njofton AIM.

Aplikuesit duhet t’i dërgojnë planet e tyre të biznesit më së voni deri më 05.03.2017 deri në orën 23:59, në e-postën: info@yes.org.mk.

Informata lidhur me kriteret për vlerësim dhe zgjidhja e planeve më të mira të biznesit janë të kapshme në Fondacionin për Servis sipërmarrës të të rinjve, info@yes.org.mk. /Telegrafi/