Konfiskohen mbi 10 kilogramë drogë në Prizren që ishin fshehur në një bunker, arrestohet i dyshuari

Policia e Kosovës në rajonin e Prizrenit ka arritur të konfiskoj mbi 10 kilogramë drogë që ishin fshehur në një bunker në lokalin e të dyshuarit.

Kështu është bërë e ditur përmes një njoftimi për media nga ana e policisë.

“Policia e Kosovës, Drejtoria për Hetimin e Trafikimit me Narkotik-Njësia në Prizren, pas një pune operativo-hetimore rreth një mujore në mbledhje të informatave nga tereni nga burimeve të ndryshme, me datë 29.01.2022, në konsultim me Prokurorin ka ndërmarr veprime në teren në asistim të një patrulle policore dhe është ndaluar automjeti Citroën C3 ngjyrë hiri që vozitej nga një person i dyshuar mashkull. Gjatë kontrollit në automjetin e tij është gjetë një qese plastike e mbushur me substancë të dyshuar të llojit marihuanë. Menjëherë janë njoftuar autoritetet kompetente të drejtësisë dhe janë marr autorizime përkatëse për bastisje/kontroll në lokalin dhe shtëpinë e të dyshuarit në Prizren”, thuhet në njoftim.

Më tej bëhet e ditur se në asistim të operatorëve të Njësisë për Reagim të Shpejtë (NJRSH) dhe Forenzikës Rajonale të Prizrenit ka filluar kontrolli në lokalin e të dyshuarit në Prizren.

“Gjatë kontrollit në lokal nën shkallët e lokalit është gjetë një bunker i kamufluar (modifikuar) mirë ku vërehej një derë e vogël që në prizëm (të rrymës elektrike) kishte vendin për qelës. Me anë të qelësit që e kishte i dyshuari është hap ajo derë dhe brenda saj janë gjetë dhe sekuestruar tetë (8) qese plastike me substancë të dyshuar narkotike të llojit Marihuanë.

Përveç lokalit në fjalë është kontrolluar edhe shtëpia e të dyshuarit, ku po ashtu është gjetë një qese e vogël me substancë të dyshuar narkotike e dyshuar si marihuanë”, thuhet në njoftim.

Në këtë operacion të bastisjes/kontrollit janë gjetë dhe sekuestruar si prova materiale dëshmitë si në vijim:

Nëntë (9) qese plastike me substancë të dyshuar narkotike të llojit marihuanë me peshë 10038.08 gram.
Një shumë e konsiderueshme e qeseve plastike të zbrazëta,
Një veturë modeli Citroen C3 ngjyr hiri me targa vendore,
Një palë çelësa për hapjen e lokalit,
Një çelës për hapjen e bunkerit,
Një telefon mobil.

Vlen të përmendet se i dyshuari është recidivist i veprave të tilla penale dhe pas konsultimit me prokurorin, i njëjti ka lëshuar vendim që i dyshuari të ndalohet për 48 orë për procedura të mëtejme hetimore. /Telegrafi/