Komuna e Prishtinës shtyn afatin e dorëzimit të dokumenteve për bizneset përfituese të granteve

Të gjitha bizneset përfituese të grantit për bizneset e prekura nga pandemia COVID-19 që për çfarëdo arsye nuk kanë arritur t’i dorëzojnë dhe kompletojnë dokumentet e kërkuara, do të mund të i dorëzojnë ato nga data 11-15 janar 2021.

Kështu ka njoftuar Komuna e Prishtinës, duke shtuar se dokumentet duhet të dorëzohen në katin e parë të ndërtesës së vjetër të komunës.

“Dokumentet e kërkuara janë: Letërnjoftimin valid, kopje në të dy anët; Konfirmimin e llogarisë bankare në emër të biznesit; dhe Çertifikatën e re të biznesit (që ka numrin unik identifikues ku fillon me 81 dhe është 9 shifror)”, thuhet në njoftim. /Telegrafi/

Ditë më parë, ai kishte njoftuar më shumë se 7 mijë mikro-biznese dhe biznese të vogla kanë aplikuar në fondin 5 milionësh të Komunës.

Lexo po ashtu Ahmeti iu bën thirrje bizneseve që janë përfituese të granteve që të plotësojnë dokumentet

“Fondi do të ndahet në shuma të barabarta për dy nivele (grant më i vogël për mikro-bizneset). Lista do të publikohet shumë shpejtë dhe do të procedohet në Thesar për ekzekutim. Numri i madh i aplikimeve tregon për ndikimin ekonomik të pandemisë. 5 milion është pak por është maksimumi i mundësive tona si komunë”, kishte njoftuar ai.

Kurse, numri i bizneseve përfituese sipas Ahmetit është 4,941, prej tyre 1,976 mikro-biznese me nga 600 euro dhe 2,965 biznese te vogla me nga 1,300 euro.

“Lista e publikuar dhe përfituesit janë përcjell në Thesarin e Kosovës – Ministrinë e Financave. Fondet janë nga buxheti i Komunës së Prishtinës dhe si institucion kemi përfunduar të gjitha procedurat dhe tashmë presim procedimin e ekzekutimit të pagesave nga Thesari”, kishte njoftuar Ahmeti. /Telegrafi/