Kompania japoneze e hekurudhave, do të përdorë robot humanoid për të kryer punët e rrezikshme

Kompania hekurudhore West Japan e njohur si JR West, ka prezantuar robotin e madh humanoid që do të kryej punët e rrezikshme për njerëzit.

Deri më tani kemi patur rastin të shohim robotë të madhësive të ndryshme përfshirë ata humanoid me shprehje të ndryshme, por roboti japonez është i veçantë, transmeton Telegrafi.

Fjala është për robotin që ka duar me të cilat kryen punë të ndryshme, siç është pastrimi i linjave energjike dhe rrjetit elektrik përmes një brushe të veçantë.

【News Release】
生産性・安全性向上に向けて、株式会社人機一体および日本信号株式会社と共同で、人型重機ロボットと鉄道工事用車両を融合させた多機能鉄道重機を開発しています。

詳しくはこちらをご覧ください。https://t.co/R8X32nmuJU pic.twitter.com/FBVjIe1xCC

— JR西日本ニュース【公式】 (@news_jrwest) April 15, 2022

Megjithatë, nuk bëhet fjalë vetëm për pastrim, pasi roboti mund të kryej edhe punë tjera – pra ta mirëmbajë rrjetin falë duarve robotike që janë të pajisura me vegla të ndryshme.

Roboti ka dy kamera që shërbejnë si sy të robotit, përkatësisht i mundësojnë njeriut që operon me të që përmes syzeve të realitetit virtual, të kuptojë se për çfarë problemi bëhet fjalë.

Duart robotike kontrollohen gjithçka me telekomandë, e nëse diçka i ndodhë robotit, kjo nuk nënkupton që edhe njerëzit që operojnë me të janë të rrezikuar – pra punët e rrezikshme që deri më sot i kryente njeriu, tani do t’i bëjë një robot. /Telegrafi/