Kolonat e gjata në Prishtinë, Fatmir Spahiu ironizon me situatën

Komuna e Prishtinës ka njoftuar se duke filluar nga sot (e premte), për tri ditë radhazi do të vazhdojë testimi i shndërrimit të gjithë unazës qendrore të kryeqytetit në qarkore njëkahëshe për automjetet.

Kjo ka shkaktuar një tollovi të madhe në kryeqytet që në orët e para të mëngjesit duke krijuar kolona të gjata në rrugët kryesore të kryeqyteti.

Ndërkohë, kjo gjendje e trafikut ka bërë që të ketë edhe reagime nga më të ndryshmet në rrjete sociale.

Një ironizim për këtë ka bërë edhe aktori i mirënjohur shqiptar, Fatmir Spahiu përmes një postimi në llogarinë e tij të Facebookut.

“Me pas ditë më herët që bëhet kësi hallakame isha dal me skarë në ndonjë qoshe aty”, ka shkruar aktori në postim.

Kujtojmë që Spahiu njihet për reagimet e tij ironizuese dhe humoristike në rrjete sociale lidhur me çështjet e ndryshme në vend me të cilat tërheq çdo herë vëmendje.

Ndërkohë, theksojmë që testimi do të zgjasë tri ditë radhazi dhe i gjithë procesi do të ndodhë në bashkëpunim të ngushtë me Policinë e Kosovës. /Telegrafi/