Koha e duhur dhe mbrojtja e nevojshme ndaj ekspozimit në diell

Vitamina D është një lëndë ushqyese thelbësore që ndihmon në përthithjen e kalciumit dhe promovon shëndetin e kockave dhe imunitetit.

Kjo vitaminë gjendet natyrshëm në disa ushqime, kështu që është e mundur të merret me dietë dhe trupi e prodhon atë kur ekspozohet ndaj rrezeve UV të diellit, ndaj ekspozimi në diell konsiderohet si një nga burimet më të mira të vitaminës D3.

Doza e rekomanduar ditore e vitaminës D është 600-800 IU, ndërsa sasia e prodhuar në trup mund të ndryshojë për shkak të faktorëve të ndryshëm – shkruan Everlywell, përcjell Telegrafi.

Lexo po ashtu Rreziku nga kanceri lëkurës te të rinjtë dhe metodat për ta parandaluar

Por, sa minuta dhe sa shpesh është e nevojshme të ekspozoheni ndaj rrezeve të diellit në mënyrë që trupi të marrë mjaftueshëm vitaminë D për të qëndruar i shëndetshëm?

Ndërsa rrezet e diellit janë të rëndësishme për prodhimin e vitaminës D, rrezet UVB (rrezatimi që të paktën pjesërisht absorbohet nga shtresa e ozonit të Tokës) mund ta dëmtojë lëkurën me kalimin e kohës.

Ekspozimi i tepërt mund të shkaktojë djegie nga dielli dhe të rrisë rrezikun e zhvillimit të kancerit të lëkurës, prandaj është e rëndësishme të merrni masa paraprake për t’u mbrojtur kur kaloni kohë jashtë.

Lexo po ashtu Fotografia e një 92-vjeçareje tregon pse është e rëndësishme të përdorni krem kundër diellit

Kufizojeni kohën e ekspozimit në diell. Sa më gjatë të jeni të ekspozuar ndaj rrezeve UV, aq më i madh është rreziku dhe dëmtimi, ndërsa njerëzit me më pak melaninë mund të marrin djegie nga dielli nëse qëndrojnë në rrezitje të drejtpërdrejtë për më shumë se 15 minuta.

Përdorni krem me faktor mbrojtës. Produktet me SPF rekomandohen gjatë gjithë vitit, por në muajt e verës kur kemi më shumë orë me diell, janë absolutisht të nevojshme. Fondacioni Amerikan për Kancerin e Lëkurës rekomandon përdorimin e kremrave të papërshkueshëm nga uji me SPF 30 ose më të lartë për t’u mbrojtur kundër rrezeve UVA dhe UVB, dhe riaplikimin e tyre çdo dy orë ose menjëherë pas djersitjes dhe lagies së lëkurës.

Lexo po ashtu Mjekët rekomandojnë: Zgjedhni syze dielli që mbrojnë sytë

Mbroni sytë dhe fytyrën. Kur këto pjesë të trupit lihen të pambrojtura në diell, ato janë më të ndjeshme ndaj plakjes së përshpejtuar, prandaj është shumë e rëndësishme të mbani kapele dhe syze dielli që i bllokojnë rrezet. /Telegrafi/