Kocijançiq: Zgjerimi, proces nga i cili përfiton e gjithë Evropa

Zëdhënësja e BE-së Maja Kocijançiq deklaroi sot se vlerësimi i Komisionit Evropian për punën e madhe të vitit 2018 në drejtim të ndryshimeve pozitive në Ballkanin Perëndimor.

Ajo me rastin e kritikave të disa vendeve anëtare të vlerësimit të Komisionit se Shqipëria i ka plotësuar kushtet për hapjen e negociatave për anëtarësim, tha se procesi i zgjerimit me ajo merr shumë hapa dhe sjell përfitime për Evropën.

“Zgjerimi është një proces që kërkon përmbushjen e kritereve të sakta politike dhe ekonomike me harmonizimin me legjislacionin e BE. Ka shumë hapa në këtë rrugë. Askush nuk mund të thotë se të gjitha kriteret janë përmbushur, por ato që nevojiten për hapat e ardhshëm janë përmbushur dhe kjo nuk është fundi i punës”, u shpreh Kocijançiq.

Ajo kujtoi faktin se politika e zgjerimit të BE-së është një “investim gjeostrategjik në paqe, stabilitet, siguri dhe zhvillim ekonomik në të gjithë Evropën”.

Pas publikimit të Raportit të Progresit të Komisionit Evropian të këtij viti për vendet në procesin e zgjerimit, nga disa shtete anëtare erdhën vlerësime që janë në kundërshtim me gjetjet e Komisionit, kryesisht kur bëhet fjalë për gjetjet në sundimin e ligjit në Shqipëri.

Pas kërkesës për pezullimin e liberalizimit të vizave për qytetarët e Shqipërisë, Parlamenti i Holandës kundërshtoi hapjen e bisedimeve të pranimit me Tiranën, për shkak të problemeve me krimin e organizuar, transmeton KosovaPress.

Në të njëjtën kohë, Bundestagu gjerman, si dhe presidenti i Francës Emmanuel Macron, tha se rezultatet e Shqipërisë në fushën e sundimit të ligjit nuk janë të bindshme.

Në Komisionin Evropian thanë se rekomandimet për hapjen e negociatave për anëtarësim me Shqipërinë dhe Maqedoninë e Veriut bazohen në informacione objektive mbi “vendosmërinë dhe rezultatet bujare” të Tiranës dhe Shkupit.

“Lufta kundër krimit të organizuar dhe korrupsionit është një nga prioritetet. Është një detyrim që i gjithë rajoni do të marrë përsipër dhe kjo punë vazhdon “, përfundoi Kocijançiq.